Карась сярэбраны

Карась сярэбраны (Carassius auratus) — рыба сямейства карпавых. Шырока вядомая залатая рыбка (храміст сярэбранага карася) стала аб'ектам для селекцыйнай працы.

Карась сярэбраны
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Клада:  Рыбы Надклас:  Касцявыя рыбы Клас:  Прамянёвапёрыя рыбы Падклас:  Навапёрыя рыбы Інфраклас:  Касцістыя рыбы Надатрад:  Ostariophysi Серыя:  Otophysi Атрад:  Карпападобныя Надсямейства:  Карпападобныя Сямейства:  Карпавыя Род:  Карасі Від:  Карась сярэбраны
Міжнародная навуковая назва
Carassius auratus Linnaeus, 1758
Сінонімы
Carasius auratus (Linnaeus, 1758) Carassius auratus argenteaphthalmus Nguyen, 2001 Carassius auratus auratus (Linnaeus, 1758) Carassius auratus cantonensis Tchang, 1933 Carassius auratus wui Tchang, 1930 Carassius burgeri Temminck & Schlegel, 1846 Carassius carassius auratus (Linnaeus, 1758) Carassius chinensis Gronow, 1854 Carassius coeruleus Basilewsky, 1855 Carassius discolor Basilewsky, 1855 Carassius grandoculis Temminck & Schlegel, 1846 Carassius pekinensis Basilewsky, 1855 Cyprinus auratus Linnaeus, 1758 Cyprinus chinensis Gronow, 1854 Cyprinus gibelioides Cantor, 1842 Cyprinus langsdorfii Valenciennes, 1842 Cyprinus maillardi Guichenot, 1863 Cyprinus mauritianus Bennett, 1832 Cyprinus thoracatus Valenciennes, 1842 Neocarassius ventricosus Castelnau, 1872
Сістэматыка на Віківідах Выявы на Вікісховішчы ITIS   163350 NCBI   7957 EOL   214363

Апісанне

Цела кароткае, высокае, пакрытае серабрыстай луской. Афарбоўка спіны цёмна-зялёная, бакі і жывот — серабрыстыя. Мае доўгі спінны плаўнік, буйную луску, шмат жаберных тычынак і пазванкоў, а таксама малую колькасць прамянёў у анальным плаўніку. Рот канечны, без вусікаў. Брушына чорная.

Дасягае максімальнай даўжыні 45 см і масы больш за 1 кг, звычайна не больш за 20 см і 350 г.

Пашырэнне

Від з велізарным сучасным арэалам, які ахоплівае Еўразію і Амерыку. Натуральным арэалам з'яўляецца Кітай, Японія, а-вы Тайвань і Хайнань. Дзякуючы штучнай гадоўлі распаўсюдзіўся па ўсім свеце. Часцей прывязаны да вялікіх азёр, сустракаецца і ў вялікіх рэках.

Асаблівасці біялогіі

Корміцца планктонам, дэтрытам, водарасцямі, лічынкамі насякомых, чарвякамі і іншымі бесхрыбтовымі.

Полаваспелым становіцца ва ўзросце 2-4 гадоў. Пладавітасць ад 30 да 400 тыс. ікрынак. Нераст парцыённы, звычайна ў траўні. Папуляцыя гэтага віду часта складаецца з адных самак, якія ўдзельнічаюць у нерасце з самцамі іншых відаў карповых (сазан, карась звычайны, лінь). Сперматазоід яйкаклетку ня апладняе, а толькі стымулюе развіццё яе. У патомстве атрымліваюцца адны самкі.

Жыве да 14-15 гадоў, звычайна 7-10 гадоў.

Промысел і развядзенне

Каштоўны аб'ект промыслу і рыбаводства.

Залатая рыбка

Сярэбраны карась адрозніваецца дзіўнай пластычнасцю. Кітайскі карась і яго разнавіднасці — аб'ект прыкладнога дэкаратыўнага рыбаразвядзення. Адрозніваюць больш за сотню парод залатой рыбкі. Змяняецца даўжыня цела, даўжыня і форма плаўнікоў; маюцца рыбы з вырастамі на галаве і з павялічанымі вачыма. Існуе некалькі каляровых варыяцый: чырвоная, серабрыстая, чорная і інш.

Літаратура

• Карасі // Беларуская ССР: Кароткая энцыклапедыя. Т. 2. — Мн.: БелСЭ. 1979.