Каромысла зялёнае

Каромысла зялёнае ці зялёны каромысел (Aeschna viridis) — від разнакрылых стракоз.

Каромысла зялёнае
Самец
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Paleoptera Атрад:  Стракозы Падатрад:  Epiprocta Інфраатрад:  Разнакрылыя Надсямейства:  Aeshnoidea Сямейства:  Каромыслы Род:  Каромыслы Від:  Каромысла зялёнае
Міжнародная навуковая назва
Aeschna viridis Eversmann, 1836
Сістэматыка на Віківідах Выявы на Вікісховішчы NCBI   1566310 EOL   131900

Апісанне

Буйная страказа. Даўжыня брушка самца 48-52 мм, самкі — 47-54 мм. Даўжыня задніх крылаў самца 38-41 мм, самкі — 41-45 мм. Афарбоўка стракатая. Вочы датыкаюцца адно з адным на некаторым прамежку. Т-падобная пляма на лбе няпоўная. Бакі грудзей у самца і самкі зялёныя, без палос. Верх грудзей самца з 2 шырокімі, зялёнымі палосамі. Жылкі крылаў чарнаватыя. Яйцаклад самкі з бакавымі пласцінкамі, яго асноўная пласцінка ззаду без глыбокай выемкі.

Пашырэнне

Транспалеарктычны від. У Беларусі пашыраны па ўсёй тэрыторыі. Сустракаецца на нізінных балотах і ў поймах рэк.

Асаблівасці біялогіі

Дарослыя насякомыя — актыўныя драпежнікі. Здабычу (камары, мошкі) ловяць падчас лёту. Вылет і размнажэнне ў чэрвені-ліпені.

Лічынкі жывуць у стаячых (у тым ліку забалочаных) і слабопроточных вадаёмах з густой расліннасцю, кормяцца воднымі беспазваночнымі, маляўкамі рыб (могуць наносіць шкоду рыбаразвядзенню).

Ахова

Від уключаны ў Чырвоны спіс МСАП, Чырвоную кнігу Беларусі, Чырвоную кнігу Літвы. Ахоўваецца ў Еўропе (дадатак II Бернскай канвенцыі).

Спасылкі

Гэты від занесены ў Чырвоную кнігу Беларусі і ахоўваецца законам. III катэгорыя (VU)