Каці Эдфельд

Агі Катарына Эдфельд (шведск.: Aggie Catharina Edfeldt; нар. 29 сакавіка 1950 года, Еўле, Швецыя) — шведская акторка, рэжысёр і сцэнарыст. Таксама вядомая як Каці Эдфельд.

Агі Катарына Эдфельд
Aggie Catharina Edfeldt
Дата нараджэння	29 сакавіка 1950(1950-03-29) (74 гады)
Месца нараджэння	Еўле, Еўле, лен Еўлебарг, Швецыя
Грамадзянства	Швецыя
Прафесія	акцёрка, сцэнарыст, рэжысёр, кінарэжысёр
Кар’ера	1960 — цяперашні час
IMDb	ID 0249188

Творчасць

Каці Эдфельд пачала сваю кінакар’еру з ранняга дзяцінства. З 1966 года яна працавала ў Шведскай кінастудыі памочнікам рэжысёра Уле Хельбума. Тады ў яе абавязкі ўваходзілі пошукі дзяцей-акцёраў для фільмаў. Каці пачала сваю кар’еру ў шведскім кіно з ролі Лізы ў двух экранізацыях Уле Хельбума Alla vi barn i Bullerbyn («Усе мы — дзеці з Булербю» Астрыд Ліндгрэн) 1960—1961 гг.

Крыху пазней яна паспрабавала стаць перад камерай у якасці актрысы ў невялікай ролі ў «Закаханай пары» Май Цэтэрлінг (1964) і ў «Тут у цябе ёсць жыццё» (1966) Яна Троэла. Але менавіта за камерай ёй спадабалася больш за ўсё.

Яна таксама працавала памочнікам рэжысёра ў фільмах Таге Даніэльсана Bröderna Lejonhjärta («Браты — Львінае сэрца», 1977) і Ronja Rövardotter (1984), а таксама рэжысёрам і памочнікам рэжысёра ў двух фільмах Ласэ Хальстрома «Булербю», знятых у сярэдзіне 1980-х.

Пазней, у 90-х гадах, Каці становіцца незалежным рэжысёрам, а таксама прыдумвае сцэнарыі да сваіх кінакарцін. Каці дэбютавала як кінарэжысёр ў тэлефільме «Мімі» (1988). Большасць яе работ — гэта дзіцячыя фільмы.

У 2007 годзе была ўзнагароджана прэміяй «Мытнік Эдэра» за вялікі ўклад у дзіцячыя фільмы Швецыі. Увечары таго ж дня Каці ўзнагародзілі прэміяй «Лепшы рэжысёр» фільма «Дзеці ўскраін». Лепшымі фільмамі прызнаны: «Дзеці ўскраін», «Новыя прыгоды дзяцей з Булербю», а таксама «Ева і Адам — Чатыры дня нараджэння і адно фіяска». Дачка Каці — Тувэ Эдфельд — таксама актрыса.

Спасылкі

• https://www.imdb.com/name/nm0249188/
• https://24afisha.by/ru/other/names/17946