Каэтану Велозу
Каэтану Эмануэл Віяна Тэлес Велозу (парт.-браз. Caetano Emanuel Viana Telles Veloso; нар. 7 жніўня 1942 года) — бразільскі кампазітар, спявак і гітарыст, прадстаўнік бразільскай папулярнай музыкі. Пяціразовы лаўрэат прэміі «Грэмі», у 2012 годзе атрымаў «Лацінскую Грэмі» ў намінацыі «Чалавек года».
| Каэтану Велозу | |
|---|---|
.jpg) | |
| Асноўная інфармацыя | |
| Дата нараджэння | 7 жніўня 1942[1][2] (81 год) |
| Месца нараджэння | |
| Краіна | |
| Маці | Dona Canô[d] |
| Жонка | Paula Lavigne[d] |
| Дзеці | Moreno Veloso[d] |
| Альма-матар | |
| Музычная дзейнасць | |
| Прафесіі | пісьменнік, палітык, спявак, гітарыст, джаз-гітарыст, аўтар-выканаўца, музычны прадзюсар, кінарэжысёр |
| Інструменты | гітара[3] і вакал[d][3][3] |
| Жанры | música popular brasileira[d] і music of Brazil[d][3] |
| Узнагароды | |
| Аўтограф |
 |
| caetanoveloso.com.br | |
 Медыяфайлы на Вікісховішчы | |
 Цытаты ў Вікіцытатніку | |
Ураджэнец штата Баія, Велозу быў натхнёны поспехам сваёй сястры, спявачкі Марыі Бетаніі, на пераезд у Рыа-дэ-Жанейра ў сярэдзіне 1960-х гадоў. Ён пачаў сачыняць і выконваць музыку, якая, адштурхваючыся ад традыцыйнай боса-новы, убірала ў сябе стылявыя асаблівасці рок-музыкі, перш за ўсё, амерыканскага фолк-рока і арт-рока.
Ваенная хунта, якая знаходзілася ва ўладзе ў Бразіліі, не ўхваляла канцэртныя выступленні Жыла і Велозу, лічачы іх рассаднікам радыкалізму сярод моладзі. Пасля дэманстратыўнага сумеснага канцэрта абодва музыканты былі ў 1969 г. высланы ў Лондан, дзе жылі два гады. Пасля вяртання ў Бразілію Велозу працягнуў актыўную канцэртную дзейнасць, і з часам яго выступленні зрабіліся візітнай карткай сучаснай бразільскай музыкі.
У канцы XX стагоддзя Велозу запісаў альбом, прысвечаны памяці Феліні і Мазіны. Пасля з’яўлення ў фільме Педра Альмадовара «Пагавары з ёй» ён быў запрошаны выступіць на цырымоніі ўручэння прэміі «Оскар». У 2004 годзе выйшаў першы англамоўны альбом Велозу, Foreign Sound, у якім ён прадставіў уласныя версіі класічных поп-стандартаў.
Зноскі
- ↑ Caetano Veloso // Encyclopædia Britannica Праверана 9 кастрычніка 2017.
- ↑ Itaú Cultural Caetano Veloso // Enciclopédia Itaú Cultural — São Paulo: Itaú Cultural, 2001. — ISBN 978-85-7979-060-7 Праверана 9 кастрычніка 2017.
- ↑ а б в г Montreux Jazz Festival Database Праверана 24 верасня 2020.