Клод Рыш
Клод Рабер Рыш (фр.: Claude Robert Rich; 8 лютага 1929, Страсбур, Францыя — 20 ліпеня 2017, Парыж, Францыя) — французскі акцёр, вядомы, пераважна, дзякуючы яркім эпізадычным ролям. Лаўрэат прэміі «Сезар» за найлепшую мужчынскую ролю (1993).
| Клод Рыш | |
|---|---|
 | |
| Дата нараджэння | 8 лютага 1929[1][2][…] |
| Месца нараджэння | |
| Дата смерці | 20 ліпеня 2017[1][2][…] (88 гадоў) |
| Месца смерці | |
| Месца пахавання | |
| Грамадзянства | |
| Жонка | Catherine Rich[d] |
| Дзеці | Delphine Rich[d] і Natalie Rich-Fernandez[d] |
| Адукацыя | |
| Прафесія | акцёр, сцэнарыст, тэатральны акцёр, кінаакцёр, тэлеакцёр, драматург |
| Узнагароды | |
| IMDb | ID 0723623 |
 Медыяфайлы на Вікісховішчы | |
Біяграфія правіць
Клод Рыш запісаўся на акцёрскія курсы Шарля Дзюлена насуперак жаданню бацькоў, якія хацелі, каб ён стаў страхавым агентам. Пасля курсаў Дзюлена ён з лёгкасцю паступіў у кансерваторыю. Кінадэбют акцёра адбыўся ў фільме Рэнэ Клера «Вялікія манеўры». Да пачатку 1960-х гадоў Рыш быў заняты ў ролях другога плана, пакуль Жан Рэнуар не даверыў яму буйную ролю ў фільме «Прышпілены капрал», дзе яго партнёрамі па здымках былі такія маладыя зоркі, як Жан-П’ер Касель і Клод Брасёр.
У 1963 годзе Клод Рыш быў запрошаны Жоржам Лотнерам карціну «Дзядзечкі-гангстары». Пасля былі працы «Сягоння вечарам ці ніколі» Мішэля Дэвіля, «Д’ябал і дзесяць запаведзяў» Жульена Дзювіўе, «Паплечнікі стакроткі» Жан-П’ера Макі.
У той жа час Рыш працягваў граць і ў тэатральных пастаноўках, у тым ліку і па ўласных п’есах. У 1980-я гады акцёр пачаў выбарачна ставіцца да прапаноў і ў 1992 годзе атрымаў прэмію «Сезар» за ролю ў карціне «Вячэра» Эдуара Малінаро.
Далей ролі другога плана зрабіліся асноўнымі ў яго кінабіяграфіі. Ён з’яўляўся ў карцінах «Дочкі д’Артаньяна», «Калядны пірог», у «Астэрыкс і Абелікс: місія Клеапатра» і ў іншых фільмах.
У 2008 годзе за працу ў фільме «На Бога спадзявайся, але і сам старайся» акцёр ізноў быў намінаваны на «Сезар».
Зноскі
- ↑ а б Claude Rich // filmportal.de — 2005. Праверана 9 кастрычніка 2017.
- ↑ а б в https://www.lemonde.fr/cinema/article/2017/07/21/le-comedien-claude-rich-est-mort_5163349_3476.html
- ↑ а б Fichier des personnes décédées Праверана 1 кастрычніка 2022.
- ↑ http://www.78actu.fr/orgevalle-comedien-claude-rich-est-mort-a-l-age-de-88-ans_51486/