Ларыса Іванаўна Новаш

Ларыса Іванаўна Новаш (27 мая 1940, г.п. Дзяржынск, Мінская вобласць) — беларускі архітэктар.

Ларыса Іванаўна Новаш
Дата нараджэння	27 мая 1940(1940-05-27) (84 гады)
Месца нараджэння	Дзяржынск, Дзяржынскі раён, Мінская вобласць, БССР, СССР
Альма-матар	БПІ (1968)
Месца працы	Дзіпрасельбуд Мінскінжпраект[d]
Член у	Саюз архітэктараў СССР Беларускі саюз архітэктараў
Узнагароды

Біяграфія

Скончыла Беларускі політэхнічны інстытут у 1968 годзе. Працавала ў БелНДІдзіпрасельбудзе, Мінскінжпраекце, з 1980 года — кіраўнік групы архітэктараў у БелНДІдзіпрасельбудзе.

Член Саюза архітэктараў СССР з 1972 года. Пражывае ў Мінску.

Творчасць

Асноўныя працы: адміністрацыйны будынак у калгасе імя Калініна (1970), дыспетчарскія пункты ў мікрараёнах Захад-З, Серабранка-2 (1978), падземныя пешаходныя пераходы на плошчы Калініна і вул. Падлеснай (1981), пуцеправоды па вул. 2-е Кольца—Р. Люксембург (1981), Аранскай (1982—1983) у Мінску, гандлёвы цэнтр і лазня ў калгасе «Чырвоная змена» (1972—1973, у аўтарскім калектыве), інтэр’еры кафэ ў саўгасе «Малеч» (1975, у аўтарскім калектыве), райвыканкам у Вілейцы (1984).

Узнагароды

Узнагароджана бронзавым медалём ВДНГ СССР (1973).

Літаратура

• Новаш Лариса Ивановна // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)