Летні амфітэатр (Віцебск)
Летні амфітэатр — канцэртная пляцоўка, галоўная канцэртная пляцоўка міжнароднага фестывалю мастацтваў «Славянскі Базар у Віцебску». З’яўляецца філіялам ДУ «Цэнтр культуры „Віцебск“».
Амфітэатр | |
Летні амфітэатр | |
---|---|
![]() Духаўскі круглік і Летні амфітэатр | |
55°11′29″ пн. ш. 30°12′37″ у. д.HGЯO | |
Краіна |
![]() |
Горад | Віцебск |
Архітэктар | Вячаслаў Аляксандравіч Бабашкін і Аляксандр Зафатаеў[d] |
Будаўніцтва | 1987—1988 гады |
![]() |
Гісторыя
правіцьУ пачатку XX стагодззя на месцы летняга амфітэатра дзейнічаў цырк Леры[1]. Ідэя пабудаваць летні амфітэатр у Віцебску з’явілася ў маі 1987 года[2]. Архітэктар Вячаслаў Бабашкін[3]. Будаўніцтва пачалося ў 1987 годзе[4] і працягвалася 8 месяцаў[5]. Здадзены ў эксплуатацыю ў 1988 годзе да «Усесаюзнага фестывалю-конкурса польскай песні». Фестываль прайшоў двойчы: ў 1988 і 1990 годзе. Кіраўніцтва БССР не верыла ў магчымасць пабудаваць пляцоўку ў такі сціслы тэрмін і спачатку планавала правесці фестываль у Палацы спорту ў Мінску. Правядзенне фестывалю ў Віцебску супала з сяброўскімі адносінамі Віцебска і Зялёнай Гуры. Паведамляецца, што амфітэатр не мог змясціць усіх жадаючых папрысутнічаць на канцэртах і некаторым прыйшлося стаяць на халмах непадалёк. Пляцоўка была пабудавана на месцы ссохлага Замкавага ручая[6]. Летні амфітэатр размешчаны ў цэнтры Віцебска па адрасе праспект Фрунзэ, дом 13А, непадалёк ад перакрыжавання з вуліцай Леніна. Непадалёк ад амфітэатра працякае ручай Гапееўскі, што стварае атмасферу парку[7]. Першапачаткова ў зале было 5400 месцаў[8]. Пасля распаду СССР правядзенне фестывалю польскай песні згубіла актуальнасць. Другое жыццё фестывалю надаў фестываль «Славянскі базар». Ён праходзіў у самы цёплы месяц года — ліпень. Разам з тым часта пад час шматгадзінных канцэртаў былі дажджы, што вымусіла пабудаваць дах над трыбунамі.
У 1999 годзе праведзеная мадэрнізацыя амфітэатра: была паднятая сярэдняя трыбуна глядацкай залы, драўляныя стулкі былі заменены на пластмасавыя, абсталяваная гасцявая ложа на 15 месцаў, у будынку для артыстаў надбудавалі трэці паверх[4]. Рэканструяваны ў 2007 годзе. Узведзены дах даўжынёй 120 метраў і вышынёй 25 метраў[9], абсталяваная прылеглая тэрыторыя. Галоўны архітэктар праекта рэканструкцыі — Аляксандр Зафатаеў. З пункту погляду архітэктуры, летні амфітэатр — складаная металічная канструкцыя[10]. У 2009 годзе каля амфітэатра створаная алея лаўрэтараў спецыяльнай прэміі «Праз мастацтва — да міру і ўзаемаразумення»[8].
Плошча сцэны складае 472 кв. метраў[7]. Летні амфітэатр складаецца з трох частак — трыбун, чатырохпавярховага артыстычнага блоку і даха. Умяшчальнасць 6219 сядзячых месцаў. Глядацкія месцы падзелены на 10 сектараў[8]. Традыцыйна самымі дарагімі месцамі лічацца месцы ў 2 і 3 сектарах, якія размешчаныя перад сцэнай[11].
Летні амфітэатр на беларускіх грошах
правіць- Выява летняга амфітэатра змешчана на купюры ў 10000 беларускіх рублёў, якія выпускаліся ад 2001 да 2017 года.
Зноскі
- ↑ Светлана Высоцкая. Летний амфитеатр. Витебск — достопримечательности. (06.09.2012)
- ↑ Летний амфитеатр, http://www.evitebsk.com/w/index.php?title=Летний_амфитеатр&oldid=28816 (last visited май 24, 2020).
- ↑ Віцебск. Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5. с. 117
- ↑ а б Досье: Летнему амфитеатру в Витебске — 30 лет (13 июля 2018)
- ↑ Miasto Witebsk Архівавана 16 студзеня 2020. Культурная прастора VITEBSK4ME
- ↑ Бубенько Т.С., Ляденко Б.В. История изучения и реставрации башни Ольгерда в Витебске // Опыт сохранения историко-культурного наследия и трансграничное сотрудничество в сфере культурного туризма Материалы международной научно-практической конференции. Витебский государственный университет имени П.М. Машерова. — 2012. — С. 25-31.
- ↑ а б Василенко А.О. Сценография летнего амфитеатра в Витебске // VII Машеровские чтения. Материалы Международной научно-практической конференции студентов, аспирантов и молодых ученых. — 2013. — С. 108-110.
- ↑ а б в Гаврильчик З.С., Радкевич В.С. Культурно-исторический компонент туристко-рекреационного потенциала г. Витебска // Наука - образованию, производству, экономике материалы XXШ(70) Региональной научно-практической конференции преподавателей, научных сотрудников и аспирантов: в 2-х томах. Витебский государственный университет им. П.М. Машерова. — 2018. — С. 51-52.
- ↑ Летні амфітэатр — галоўная сцэна міжнароднага фестывалю мастацтваў «Славянскі базар у Віцебску» Архівавана 5 жніўня 2020. Афіцыйны сайт Рэспублікі Беларусь
- ↑ Дегтярев А.М., Ялтыхов В.В., Козакевич А.И. Инженерно-геодезические измерения деформаций конструкций покрытия летнего амфитеатра в городе Витебске при их эксплуатации // Вестник Полоцкого государственного университета. Серия F: Строительство. Прикладные науки. — 2015. — № 8. — С. 164-168.
- ↑ Схема Летнего амфитеатра Архівавана 13 мая 2021.
Спасылкі
правіць- На Вікісховішчы ёсць медыяфайлы па тэме Летні амфітэатр (Віцебск)