Лопух дуброўны

від раслін

Лопух дуброўны, Лопух лясны[3] (Arctium nemorosum) — кветкавая расліна роду Лопух (Arctium) сямейства Астравыя (Asteraceae).

Лопух дуброўны
Arctium nemorosum Pflanze 003 a.jpg
Навуковая класіфікацыя
Міжнародная навуковая назва

Arctium nemorosum Lej., 1833

Commons-logo.svg
Выявы
на Вікісховішчы
ITIS  36547
NCBI  1532270
IPNI  77072591-1
TPL  gcc-11163

АпісаннеПравіць

Двухгадовая травяністая расліна з моцным прамастойным галінастым сцяблом вышынёй да 2 м і магутным верацёнападобным коранем. Ніжнія галіны звычайна дугападобна адагнутыя ўніз. Лісце буйное, сэрца-, яйкападобнае, тонкае, па краі расстаўлена-выемчаста-зубчастае, з доўгімі пустымі чаранкамі; зверху зялёнае, знізу слаба лямцавае, шэра-зялёнае з дробнымі рассеянымі жаўтаватымі залозкамі. Агульнае суквецце гронкападобнае; верхавінкавыя кошыкі адзіночныя або сабраны ў клубочкі па 2—6. Абгорткі большай часткай голыя, радзей злёгку павуціністыя, іх лісцікі шылападобныя, заканчваюцца кручочкамі. Кветкі трубчастыя з пурпурова-чырвоным вяночкам. Плод — падоўжная рабрыстая сямянка з ападаючым чубком.

ПашырэннеПравіць

Пашырэнне: Сярэдняя і Атлантычная Еўропа, поўдзень Скандынаўскага паўвострава, Крым, Каўказ. На тэрыторыі Беларусі вядомы ў Белавежскай пушчы і яшчэ некалькіх ізаляваных лакалітэтах за паўночна-ўсходняй мяжой арэала. Месцы росту: шыракалістыя і хвойна-шыракалістыя лясы на багатай гумусам глебе. Расце невялікімі групамі і адзінкавымі экземплярамі.

Асаблівасці біялогііПравіць

Цвіце ў чэрвені—жніўні, пладаносіць у жніўні—верасні. Размнажэнне насеннае.

Зноскі

  1. Ужываецца таксама назва Пакрытанасенныя.
  2. Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
  3. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 17. — 160 с. — 2 350 экз.

ЛітаратураПравіць

  • Чырвоная кніга Рэспублікі Беларусь: Рэдкія і тыя, што знаходзяцца пад пагрозай знікнення віды жывёл і раслін. — Мн.: БелЭн, 1993. — ISBN 5-85700-095-5

СпасылкіПравіць

  • Лопух дубравный: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.) 
  Гэты від занесены ў Чырвоную кнігу Беларусі і ахоўваецца законам.
III катэгорыя (VU)