Ларыса Піліпаўна Касцюкавец

Ларыса Піліпаўна Касцюкаве́ц (15 лютага 1939, Менск — 30 кастрычніка 2014) — беларускі музыказнавец, фалькларыст, медыявіст. Кандыдат мастацтвазнаўства (1978).

Ларыса Піліпаўна Касцюкавец
Дата нараджэння	15 лютага 1939(1939-02-15)
Месца нараджэння	Менск, Менская вобласць, БССР, СССР
Дата смерці	30 кастрычніка 2014(2014-10-30) (75 гадоў)
Грамадзянства	Беларусь
Род дзейнасці	музыказнавец, фалькларыстка, медыявіст
Месца працы	Беларуская дзяржаўная акадэмія музыкі
Навуковая ступень	кандыдат мастацтвазнаўства (1978)
Альма-матар	Беларуская дзяржаўная кансерваторыя імя А. В. Луначарскага (1966)
Член у	Беларускі саюз кампазітараў

Біяграфія

Скончыла ў 1966 годзе Беларускую кансерваторыю. З 1965 года выкладае ў Беларускай акадэміі музыкі.

Член Беларускага саюза кампазітараў з 1985 года.

Навуковая дзейнасць

Даследуе кантавую культуру Беларусі, беларускую народную песню (пераважна яе стылістыку і натаванне), старажытнарускі і беларускі знаменны спеў. Прапагандуе канты ў жывым гучанні. Аўтар вучэбна-метадычных прац, радыё- і тэлеперадач на фальклорныя тэмы, складальнік зборніка «Беларускія канты» (1992), дапаможніка «Беларускія народныя абрады» (1994).

У 1975 годзе выйшла яе кніга «Кантовая культура Белоруссии», у якой яна даводзіла, што гарадская паэзія і музыка, нотная пісьменнасць і іншыя прыкметы высокай культуры з’явіліся спачатку ў Вялікім Княстве Літоўскім, а адсюль ужо праз беларускіх асветнікаў трапілі ў Расію, а не наадварот. У 2006—2008 гадах у выдавецтве Беларускай акадэміі музыкі выйшла двухтомная манаграфія «Стылістыка канта і яе ператварэнне ў беларускай народнай песні», у якой паказала, што ў Беларусі «вучоная», аўтарская паэзія і музыка ўплывала на народную, а не наадварот.

Творы

• Кантовая культура в Белоруссии. Мн., 1975; К истории рукописного сборника // Вопросы теории и истории музыки. Мн., 1976;
• Из истории древнерусского знаменного пения // Вопросы музыкознания. Мн., 1981;
• Ананчыцкія спявачкі // Беларусь. 1983. № 1;
• Об одном типе купальских песен // Памяти К. Квитки. М., 1983;
• Народные песни на стихи Янки Купалы // Вопросы культуры и искусства Белоруссии. Мн., 1983. Вып. 2.

Літаратура

• Касцюкавец Ларыса Піліпаўна // Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — 576 с. — 10 000 экз. — ISBN 985-11-0035-8. — ISBN 985-11-0144-3 (т. 8).