Маладзечанскі станкабудаўнічы завод

Маладзечанскі станкабудаўнічы завод — беларускі вытворца станкоў, заснаваны ў 1947 годзе, размешчаны ў горадзе Маладзечна.

ААТ "Маладзечанскі станкабудаўнічы завод"
Тып	Адкрытае акцыянернае таварыства
Заснаванне	12 красавіка 1947
Размяшчэнне	г. Маладзечна, Беларусь
Галіна	станкабудаванне
Прадукцыя	станкі
Колькасць супрацоўнікаў	200 чал.
Сайт	mcz.by

Гісторыя

Завод пачаў сваё развіццё 12 красавіка 1947 года, як «Маладзечанскі ліцейна-механічны завод» і размяшчаўся ў будынку былой настаўніцкай семінарыі. З 1957 года прадпрыемства перайшло да вырабу комплексаў дэталяў для сельскагаспадарчага машынабудавання. З 1958 года завод стаў называцца «Маладзечанскі станкабудаўнічы завод», атрымаўшы заданне спецыялізавацца на выпуску свідравальных станкоў. З 1961 года сталі серыйна выпускацца ўніверсальныя вертыкальна-свідравальныя станкі, спецыяльныя станкі, паўаўтаматы і аўтаматы, станкі з лікавым праграмным кіраваннем і іншыя. У 90-я гады быў засвоены выпуск абсталявання для аўтасервісу і рэдуктараў да сельскагаспадарчай тэхнікі.

У адпаведнасці з пастановай Савета Міністраў Рэспублікі Беларусь № 948 ад 19 кастрычніка 2012 года ААТ «Маладзечанскі станкабудаўнічы завод» увайшоў у склад холдынгу «Бабруйскаграмаш».

Спасылкі

• Афіцыйны сайт МСЗ