Малы дзяцел

Дзяцел малы (Picoides minor) — птушка сямейства дзятлавых.

Малы дзяцел
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Птушкі Падклас:  Нованёбныя Атрад:  Дзятлападобныя Сямейства:  Дзятлавыя Падсямейства:  Picinae Род:  Picoides Від:  Малы дзяцел
Міжнародная навуковая назва
Picoides minor Linnaeus, 1758
Арэал
Ахоўны статус
Выклікаюць найменшыя асцярогі IUCN 3.1 Least Concern : / 22681076
Сістэматыка на Віківідах Выявы на Вікісховішчы ITIS   1145278 NCBI   1517834

Апісанне

Стракатая, невялікая птушка. Даўжыня цела 14-16 см, размах крылаў 25-30 см.

Спіна чорная ў белыя палоскі. Спод цела белаваты, без чырвонага. У самца чырвоная «шапачка» і белы лоб, у самкі верх галавы белаваты. У маладых спод цела карычняваты, часам чырвоная «шапачка». Стукае далікатна па тонкіх галінках.

Пашырэнне

Арэал: Палеарктыка (акрамя поўначы і поўдня). На Беларусі звычайны на гнездаванні аселы і качуючы від.

Насяляе розныя тыпы асветленых дрэвастояў з лісцевымі дрэвамі, рачныя даліны, парослыя дрэвамі, сады, групы дрэў сярод палёў, алеі, урбанізаваныя тэрыторыі. Пазбягае сухіх бароў і цёмных дрэвастояў.

Аселы, узімку вандруе ў межах гнездавога арэала, часам у выглядзе інвазій.

Асаблівасці біялогіі

Гняздо ў дупле ў мяккім дрэве, у ствале або бакавых галінах на рознай вышыні — ад 1 м ад зямлі да вяршаліны дрэва — нават да 10 м, без высцілкі. Глыбіня гнездавой камеры 10-18 см, шырыня — 10-20 см, Дыяметр адтуліны 3-4 см.

Яйкі Dendrocopos minor hortorum

Яйкі 5-6 (часам 3-8) эліптычныя, падоўжаныя з вострым вузейшым канцом, белыя, бліскучыя.

Падвіды

• D. m. minor — паўночны ўсход Еўропы ад Скандынавіі да Урала;
• D. m. hortorum — Цэнтральная і Заходняя Еўропа;
• D. m. comminutus — Англія, Уэльс;
• D. m. buturlini — Паўднёвая Еўропа ад Іспаніі да Грэцыі і Румыніі;
• D. m. danfordi — Грэцыя, Малая Азія;
• D. m. colchicus — Каўказ;
• D. m. quadrifasciatus — паўднёвы Каўказ.

Літаратура

• Птушкі Еўропы: Палявы вызначальнік / пад рэд. М. Нікіфарава. — Варшава: Навуковае выдавецтва ПНВ, 2000.