Мангусты

Мангусты (Herpestes) — род млекакормячых з сямейства мангуставых (Herpestidae). 14 відаў. Пашыраны ў Паўночна-Заходняй Еўропе, Малой, Пярэдняй і Паўднёвай Азіі, Афрыцы. Акліматызаваны ў Вест-Індыі, на Гавайскіх астравах і Фіджы. Жывуць у розных умовах. Трымаюцца паасобна, часам групамі. Найбольш вядомы прадстаўнік роду мангуст егіпецкі — іхнеўмон.

Мангусты
Herpestes javanicus
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Млекакормячыя Падклас:  Звяры Інфраклас:  Плацэнтарныя Надатрад:  Laurasiatheria Атрад:  Драпежныя Падатрад:  Feloidea Сямейства:  Мангуставыя Падсямейства:  Herpestinae Род:  Мангусты
Міжнародная навуковая назва
Herpestes Illiger, 1811
Сінонімы
Calogale Gray, 1865 Calictis Gray, 1865 Herpertes Illiger, 1811 Ichneumon Frisch, 1775 Mangusta Horsfield, 1822 Mesobema Hodgson, 1841 Onychogale Gray, 1865 Taeniogale Gray, 1865 Urva Hodgson, 1837 Xenogale Allen, 1919
Сістэматыка на Віківідах Выявы на Вікісховішчы ITIS   180612 NCBI   9699 EOL   35924 FW   41005

Апісанне

Даўжыня цела да 65 см, хваста да 51 см, маса да 3,2 кг. Тулава падоўжанае, канечнасці кароткія, хмыза вострая. Поўсць кароткая, грубаватая. Афарбоўка бурая розных адценняў. часам са светлымі плямамі. Драпежнікі, кормяцца дробнымі жывёламі, пераважна грызунамі і змеямі, у т.л. ядавітымі. Імунітэту да змяінага яду не маюць, спраўляюцца з імі дзякуючы імгненнай рэакцыі. Нараджаюць 2-4 дзіцяняці. Лёгка прыручаюцца.

Віды

• Herpestes auropunctatus
• Herpestes brachyurus
• Herpestes edwardsii
• Herpestes fuscus
• Іхнеўмон, або мангуст егіпецкі, або фараонаў пацук (Herpestes ichneumon)
• Herpestes javanicus
• Herpestes naso
• Herpestes palustris
• Herpestes semitorquatus
• Herpestes smithii
• Урва або мангуст-крабаед (Herpestes urva)
• Herpestes vitticollis

Літаратура

• Беларуская энцыклапедыя: У 18 т. Т.10: Малайзія — Мугараджы / Рэдкал.: Г. П. Пашкоў і інш. — Мн.: БелЭн, 2000. — Т. 10. — С. 75. — 544 с. — 10 000 экз. — ISBN 985-11-0169-9 (Т. 10).