Марцін Луіс Гусман

Марцін Луіс Гусман (ісп.: Martín Luis Guzmán ; 6 кастрычніка 1887, Чыуауа — 22 снежня 1976, Мехіка) — мексіканскі пісьменнік.

Марцін Луіс Гусман
Асабістыя звесткі
Дата нараджэння	6 кастрычніка 1887(1887-10-06)[…]
Месца нараджэння	Чыўаўа, Чыўаўа, штат Чыўаўа, Мексіка
Дата смерці	22 снежня 1976(1976-12-22)[…] (89 гадоў)
Месца смерці	Мехіка, Мексіка
Грамадзянства	Мексіка
Прафесійная дзейнасць
Род дзейнасці	журналіст, пісьменнік, ваенны, дыпламат, палітык
Мова твораў	іспанская
Грамадская дзейнасць
Партыя	Інстытуцыйна-рэвалюцыйная партыя[d]
Член у	Academia Mexicana de la Lengua[d]
Прэміі	Нацыянальная прэмія ў галіне мастацтваў і навукі[d] (1958)
Медыяфайлы на Вікісховішчы

Біяграфія

Нарадзіўся ў сям'і палкоўніка Марціна Луіса Гусмана-і-Рэндона, які займаў пасаду ваеннага інструктара ў акадэміі Чапультэпека і Кармэн Франка Тэрасас. Нараўне з такімі дзеячамі мексіканскай культуры як Альфонса Рэес уваходзіў у творчае аб'яднанне мастакоў і пісьменнікаў «Мексіканскі Атэней». З 1913 года ў войску: спачатку ён служыў афіцэрам пры штабе генерала Рамона Ітурбэ, з 1914 года — у войсках Венустыяна Карансы, а затым у фарміраваннях Панча Вільі. Пасля прыходу да ўлады Карансы быў заключаны ў турму. З 1915 па 1920 год Гусман знаходзіўся ў добраахвотнай ссылцы спачатку ў Іспаніі, а пазней у ЗША. Па вяртанні быў прызначаны галоўным рэдактарам газеты «El Heraldo de México», а таксама асабістым сакратаром Альберта Пані — міністра замежных спраў ва ўрадзе Альвара Абрэгона. Заснаваў у 1922 газету «El Mundo». У 1925 годзе Гусман зноў адправіўся ў ссылку ў Іспанію, дзе прабыў да свайго вяртання ў 1936 годзе. У 1942 выдаваў газету «Tiempo». У 1958 годзе быў удастоены Прэміі Мануэля Авіла Камача і Нацыянальнай прэміі па літаратуры.