Мукаральныя

	Мукаральныя
	; Дарослы спарангій грыбка Mucor sp.
Навуковая класіфікацыя
Дамен:	Эўкарыёты
Царства:	Грыбы
Аддзел:	Зігаміцэтавыя грыбы
Парадак:	Мукаральныя
Міжнародная навуковая назва
	Mucorales Fr., 1832
Сямействы
	Chaetocladiaceae; Choanephoraceae; Cunninghamellaceae; Gilbertellaceae; Mucoraceae; Mycotyphaceae; Phycomycetaceae; Pilobolaceae; Radiomycetaceae; Saksenaeaceae; Syncephalastraceae; Thamnidiaceae; Umbelopsidaceae;
ITIS	13933
NCBI	4827
EOL	6335
MB	90437

Мукаральныя, мукоравыя (Mucorales) — парадак зігаміцэтавых грыбоў.

Выдзяляецца каля 10 сямействаў, каля 400 відаў. Пашыраны ўсюды. Пераважна сапратрофы; узбуджальнікі хвароб чалавека і жывёл, гаілі і цвілі пладоў, караняплодаў і інш. Трапляюцца на раслінных рэштках, глебе, харчовых прадуктах, паразітуюць на грыбах.

Міцэлій добра развіты, галінасты, пераважна няклетачны, з узростам можа ўтвараць перагародкі, доўгія гіфы, рызоіды, хламідаспоры або распадацца на асобныя клеткі. Спарангіі шарападобнай формы, маюць нерухомыя споры або канідыі. Палавы працэс — зігагамія (зліццё дзвюх недыферэнцыраваных на гаметы клетак). Адрозніваюцца гоматалагічныя формы (калі зліваюцца клеткі аднаго міцэлію) і гетаралагічныя (калі зліваюцца клеткі розных міцэліяў). Зігаспора з тоўстай абалонкай.

Асобныя віды здольныя размнажацца пачкаваннем і выклікаць браджэнне. Некаторыя маюць высокую ферментатыўную актыўнасць і выкарыстоўваюцца для атрымання антыбіётыкаў, дражджэй.

Літаратура правіць

Бельская С. Мукаральныя // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — С. 20. — 10 000 экз. — ISBN 985-11-0035-8. — ISBN 985-11-0188-5 (т. 11).
Сцефановіч А. І. Мукаральныя // Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — С. 409. — 588 с., іл. — 10 000 экз.
Тарасов К. Л. Порядок мукоровые — Mucorales // Белякова Г. А., Дьяков Ю. Т., Тарасов К. Л. Ботаника: в 4 томах. — М.: Изд. центр «Академия», 2006. — Т. 1. Водоросли и грибы. — С. 161—165. — ISBN 5-7695-2731-5. (руск.)

Спасылкі правіць

Mucorales у базе біяразнастайнасці на сайце інфармацыйна-аналітычнай сістэмы «ООПТ России». (руск.)