Мікалай Міронавіч Івашэнка

Мікалай Міронавіч Івашэнка (нар. 1 верасня 1917, г. Віцебск — 1989) — беларускі гісторык. Кандыдат гістарычных навук (1955), дацэнт (1962). Удзельнік Вялікай Айчыннай вайны.

Мікалай Міронавіч Івашэнка
Дата нараджэння 1 верасня 1917(1917-09-01)
Месца нараджэння
Дата смерці 1989
Род дзейнасці выкладчык універсітэта
Месца працы
Навуковая ступень кандыдат гістарычных навук
Альма-матар
Узнагароды
ордэн Чырвонага Сцяга ордэн Айчыннай вайны I ступені ордэн Айчыннай вайны II ступені Ордэн «Знак Пашаны»

БіяграфіяПравіць

Скончыў сямігодку (1932), Віцебскае фабрычна-завадское вучылішча чыгуначнікаў (1934), завочна Камуністычны інстытут журналістыкі ў Мінску (1938), Віцебскі педагагічны інстытут (1940), Вышэйшая партыйная школа пры ЦК КПСС (1952), Інстытут гісторыі АН БССР (аспірантура, 1955)[1].

Працаваў у Віцебскай 7-летняй школе (1946, завуч, дырэктар), Віцебскім гаркаме КПБ (з 1946, загадчык арганізацыйна-інструктарскага аддзела), ЦК КПБ (1947—1953 — памочнік сакратара, 1953—1954 — намеснік загадчыка аддзела адміністрацыйных і гандлёва-фінансавых органаў), Гомельскім абкаме КПБ (з 1955, загадчык аддзела школ і вну), Брэсцкім дзяржаўным педагагічным інстытуце (1958—1964, рэктар), Гомельскім дзяржаўным ўніверсітэце (1965—1970, у 1965—1969 — рэктар), Беларускім інстытуце інжынераў чыгуначнага транспарту (1970—1982, дацэнт кафедры гісторыі КПСС і навуковага камунізму).

Навуковыя інтарэсы: гісторыя савецкай інтэлігенцыі; роля сельскіх партыйных арганізацый у падрыхтоўцы і правядзенні калектывізацыі.

УзнагародыПравіць

Ордэны Чырвонага Сцяга, Айчыннай вайны 1-й і 2-й ступеней і інш.

Зноскі

ЛітаратураПравіць

  • Борьба за завершение коллективизации и организационно-хозяйственное укрепление колхозов западных областей Белорусской ССР (1950—1953 гг.) : автореферат диссертации … кандидата исторических наук / Н. М. Ивашенко. — Минск, 1955.
  • Івашэнка Мікалай Міронавіч // Выкладчыкі Брэсцкага дзяржаўнага ўніверсітэта: 1945—2014 : біябібліяграфічны даведнік. — Брэст, 2015. — С. 11—12.
  • Ивашенко Николай Миронович // Путь в науку. — Гомель, 2011. — Вып. 6 : Очерки о докторах и кандидатах наук Гомельщины. — С. 186.
  • Институт истории НАН Беларуси в лицах, 1929—2008 гг. : биобиблиографический справочник. — Минск, 2008. (Упамінанне на с. 368, 374, 398; форма імя «Иващенко Н. М.» — памылковая.)