Мікалогія ў Беларусі
Мікалогія ў Беларусі
На Беларусі даследаванні па мікалогіі пачалі ў канцы XIX стагоддзя былыя супрацоўнікі Горы-Горацкага земляробчага інстытута, першыя спісы грыбоў апублікаваны ў канцы XIX — пачатку XX стагоддзя (М. А. Дарожкін, В. Ф. Купрэвіч, Ф. Блоньскі, Л. І. Лебедзева, С. І. Шэмбель). Мэтанакіраваныя даследаванні праводзіліся з 1931 года ў Акадэміі навук Беларусі (М. А. Дарожкін, В. Ф. Купрэвіч, С. М. Тупяневіч).
Значны ўклад у развіццё мікалогіі зрабілі С. У. Горленка, З. І. Рамнёва , М. І. Фёдараў, А. С. Шуканаў, С. І. Бельская, А. І. Галаўко, В. С. Гапіенка, В. К. Гаравец, Э. П. Камарова, З. Н. Кудрашова, В. К. Неафітава, В. І. Ніціеўская, П. В. Пак, В. Я. Стрэльская, А. І. Сцефановіч, Г. І. Сяржаніна, В. В. Фаміна, Н. І. Чакалінская і інш.
Асноўныя навукова-даследчыя цэнтры: інстытуты эксперыментальнай батанікі, мікрабіялогіі, лесу Нацыянальнай АН Беларусі, БелНДІ бульбаводства, БелНДІ агародніцтва, БедНДІ аховы раслін і БелНДІ земляробства і кармоў Акадэміі аграрных навук Беларусі, БДУ, Беларускі дзяржаўны педагагічны ўніверсітэт, БСГА, Гродзенскі сельскагаспадарчы інстытут, Беларускі дзяржаўны тэхналагічны ўніверсітэт.