Мінск (баскетбольны клуб)

«Мінск» — прафесійны баскетбольны клуб з Мінска, аб’ядноўвае тры прафесійныя баскетбольныя каманды (дзве мужчынскія і жаночую).

Мінск
Колеры
Заснаваны	2006
Краіна	Беларусь
Горад	Мінск
Зала	Falcon Club
Умяшчальнасць	2300 месцаў
Прэзідэнт	Юрый Шакола
Трэнер	Расціслаў Вяргун Андрэй Ваўлеў
Гісторыя	Мінск-2006 (2006—2012) Цмокі-Мінск (2012—2022) Мінск (2022—ц.ч.)
Спаборніцтвы	Адзіная ліга ВТБ чэмпіянат Беларусі
Сайт	bc-tsmoki.by
Форма
Дамашняя Гасцявая
Медыяфайлы на Вікісховішчы

Назва

З 2012 па 2022 год клуб меў назву «Цмокі-Мінск».

Згодна з паданнем, Мінск быў заснаваны волатам-асілкам, чарадзеем млынаром, які пабудаваў млын, малоў муку з камянёў і пёк хлеб, а па начах лётаў на млыне, збіраў па акрузе адважных і моцных да сябе ў дружыну. Калі верыць міфам, гэтым асілкам і быў Цмок, які прыняў чалавечае аблічча.

У 2022 годзе клуб стаў называцца «Мінск».

Гісторыя

Ідэя стварэння прафесійнага баскетбольнага клуба належыць Канстанціну Шараверу. У 2001 годзе ён стварыў на базе агульнаадукацыйных школ Мінска праект «Мэджык баскет». Праца секцый па баскетболе прыцягнула ўвагу гарадскіх улад і атрымала развіццё. 9 сакавіка 2006 года яна здабыла спартыўную і юрыдычную форму: на свет з’явіўся заснаваны гарвыканкамам прафесійны баскетбольны клуб «Мінск-2006». Праект нароўні з мужчынскай камандай аб’ядноўваў у сваёй структуры калектыў дублёраў, жаночае падраздзяленне, а таксама дзіцяча-юнацкую школу.

Мінск-Арэна, 11 снежня 2010 года. Матч Адзінай лігі ВТБ, «Цмокі-Мінск» супраць «ЦСКА Масква»

Далучыўшыся да змаганняў пад эгідай нацыянальнай федэрацыі, «Мінск-2006» адразу ж стаў бачным іграком на спартыўным полі краіны. Прагрэсуючы з года ў год, каманда падбіралася да вяршыняў айчыннага баскетбола, а з 2009 года стала яго гегемонам — на ўнутранай арэне «гараджанам» не знаходзілася роўных.

«Мінск-2006» стаў таксама ўдзельнікам Еўрачэленджа ФІБА. З сезону-2010/11 з’яўляецца адзіным прадстаўніком краіны ў рамках Адзінай лігі ВТБ.

14 верасня 2012 клуб абвясціў пра рэбрэндынг — змену наймення ўсіх прафесійных і дзіцячых каманд структуры. Гэта было зроблена з мэтай прыцягнуць дадатковую цікавасць аматараў баскетбола ў краіне, стаць вядомым і непаўторным спартыўным суб’ектам на міжнароднай арэне. Новае імя «Цмокі-Мінск» адлюстроўвала духоўныя і гістарычныя карані, уласцівыя беларусам, пры гэтым захоўваючы нестандартнасць, якія дыктаваліся маркетынгавай стратэгіяй. У першы ж год пасля змены «шыльды» каманда захапіла лідарства па колькасці гледачоў на хатніх матчах сярод усіх удзельнікаў Адзінай лігі ВТБ.

Дасягненні

Чэмпіянат Беларусі па баскетболе

• Чэмпіён (13): 2008/2009, 2009/2010, 2010/2011, 2011/2012, 2012/2013, 2013/2014, 2014/2015, 2015/2016, 2016/2017, 2017/2018, 2018/2019, 2019/2020, 2020/2021.

Кубак Беларусі па баскетболе

• Чэмпіён (13): 2009, 2010, 2011, 2012, 2013, 2014, 2015, 2016, 2017, 2018, 2019, 2020, 2021
• Бронзавы прызёр (1) 2008.

Склад 2020/21

Склад каманды

• Яўген Белянкоў
• Уладзіслаў Блізнюк
• Уладзімір Верамеенка
• Дзяніс Вікенцьеў (прыйшоў у каманду ў ходзе сезону)
• Бэнджамін-Павел Дуду
• Крыс Клайбарн
• Дэрэк Кук (прыйшоў у каманду ў ходзе сезону)
• Роберт Лоўры (пакінуў каманду ў ходзе сезону)
• Томс Лэйманіс
• Аляксандр Пустагвар
• Андрэй Рагазенка
• Максім Салаш (пакінуў каманду ў ходзе сезону)
• Андрэй Стаброўскі
• Аляксей Трасцінецкі
• Клавс Чаварс

Трэнеры каманды

• Расціслаў Вяргун (галоўны трэнер)
• Эдмундс Валейка
• Войтэк Валіх

Статыстыка выступленняў

Сезон	Ліга	Чэмпіянат Беларусі	Кубак	Адзіная ліга ВТБ і Балтыйская ліга	Кубак выкліку ФІБА Кубак ФІБА Еўропы
2006-07	Вышэйшая ліга	4-е месца	5-е месца	н/у	н/у
2007-08	Вышэйшая ліга	4-е месца	5-е месца	н/у	н/у
2008-09	Вышэйшая ліга	Чэмпіён	3-е месца	н/у	н/у
2009-10	Вышэйшая ліга	Чэмпіён	Уладальнік	н/у	Кубак выкліку ФІБА — вылет з групавога этапу
2010-11	Вышэйшая ліга	Чэмпіён	Уладальнік	4 месца (гр. А)	Кубак выкліку ФІБА — вылет з адборачнага раўнда
2011-12	Вышэйшая ліга	Чэмпіён	Уладальнік	9 месца (гр. В)	Кубак выкліку ФІБА — вылет з групавога этапу
2012-13	Вышэйшая ліга	Чэмпіён	Уладальнік	9 месца (гр. В)	Кубак выкліку ФІБА — ласт 16
2013-14	Вышэйшая ліга	Чэмпіён	Уладальнік	9 месца (гр. В)	Кубак выкліку ФІБА — вылет з чвэрцьфінала
2014-15	Вышэйшая ліга	Чэмпіён	Уладальнік	15 месца	Кубак выкліку ФІБА — вылет з групавога этапу
2015-16	Вышэйшая ліга	Чэмпіён	Уладальнік	12 месца	Кубак ФІБА Еўропы — вылет з 2-а групавога этапу
2016-17	Вышэйшая ліга	Чэмпіён	Уладальнік	12 месца	Ліга чэмпіёнаў — вылет з 2-а адборачнага раўнда Кубак ФІБА Еўропы — вылет з 2-а групавога этапу
2017-18	Вышэйшая ліга	Чэмпіён	Уладальнік	Адзіная ліга ВТБ — 9 месца Балтыйская ліга — 6 месца (гр. А)	Ліга чэмпіёнаў — вылет з 3-а адборачнага раўнда Кубак ФІБА Еўропы — вылет з 1/8 фінала
2018-19	Вышэйшая ліга	Чэмпіён	Уладальнік	14 месца	Ліга чэмпіёнаў — вылет з 1-а адборачнага раўнда Кубак ФІБА Еўропы — вылет з 1-а групавога этапу
2019-20	Вышэйшая ліга	Чэмпіён	Уладальнік	13 месца	Ліга чэмпіёнаў — вылет з 1-а адборачнага раўнда Кубак ФІБА Еўропы — чвэрцьфінал
2020-21	Вышэйшая ліга	Чэмпіён	Уладальнік	13 месца	вылет з асноўнага групавога раўнда

Трэнеры

• Аляксандр Папкоў (2006—2007)
• Ігар Карнеенкоў (2007—2008)
• Андрэй Крыванос (2008—2013)
• Дональдас Кайрыс (2013—2014)
• Ігар Грышчук (2014—2017)
• Аляксандр Круцікаў (2017—2019)
• Расціслаў Вяргун (з 2019)

Спасылкі

• Афіцыйны сайт Архівавана 7 мая 2021.