Міраславас

Мірасла́вас (літ.: Miroslavas, традыцыйная беларуская назва — Міраслаў) — вёска ў Алітускім раёне Алітускага павета Літвы. Цэнтр Міраславаскай сянюніі. Размешчана за 12 км на захад ад Алітуса. Насельніцтва на 2011 год — 382 чалавекі.

Вёска Міраславас літ.: Miroslavas Герб Касцёл Краіна Літва Павет Алітускі Раён Алітускі Сянюнія Міраславаская Каардынаты 54°20′00″ пн. ш. 23°53′50″ у. д. Ранейшыя назвы Міраслаў Насельніцтва 382 чалавекі (2011) Часавы пояс UTC+2, летам UTC+3 Міраславас на карце Літвы

Медыяфайлы на Вікісховішчы

Гісторыя

Вялікае Княства Літоўскае

Упершыню Міраслаў упамінаецца ў XVII ст. У гэты час ён уваходзіў у склад Троцкага павета Троцкага ваяводства.

У XVIII ст. Міраслаў атрымаў статус мястэчка. У 1719 годзе тут збудавалі драўляны касцёл.

Пад уладай Расійскай імперыі

У выніку трэцяга падзелу Рэчы Паспалітай у 1795 годзе Міраслаў апынуўся ў складзе Прусіі, у 1807 годзе згодна з Тыльзіцкім мірным дагаворам — у складзе Расійскай імперыі, у Сейненскім павеце Сувалкаўскай губерні.

На 1827 год у Міраславе было 33 будынкі.

Найноўшы час

Пасля польска-літоўскіх баёў і падпісання пагаднення паміж міжваеннай Польскай Рэспублікай і Літвой у 1919 годзе Міраслаў апынуўся ў складзе Літвы. У часы Другой сусветнай вайны з чэрвеня 1941 да 1944 года мястэчка знаходзілася пад акупацыяй Трэцяга Рэйха.

Насельніцтва

• XIX стагоддзе: 1827 год — 328 чал.
• XXI стагоддзе: 2011 год — 382 чал.

Славутасці

Капліца

• Капліца
• Касцёл Найсвяцейшай Тройцы (1847)

Спасылкі

• На Вікісховішчы ёсць медыяфайлы па тэме Міраславас