Міхаіл Іванавіч Рымжа

Міхаіл Іванавіч Рымжа (нар. 13 кастрычніка 1947, в. Семежава, Капыльскі раён, Мінская вобласць) — беларускі эпідэміёлаг. Доктар медыцынскіх навук (1998), прафесар (1999).

Міхаіл Іванавіч Рымжа
Дата нараджэння	13 кастрычніка 1947(1947-10-13) (77 гадоў)
Месца нараджэння	Семежава, Семежаўскі сельсавет, Чырвонаслабодскі раён, Бабруйская вобласць, БССР, СССР
Род дзейнасці	урач, галоўны ўрач, медыцынскі адміністратар, выкладчык універсітэта, загадчык кафедры, дэкан, прарэктар, галоўны санітарны ўрач, эпідэміёлаг
Месца працы	ІПКіПКАЗ Міністэрства аховы здароўя Рэспублікі Беларусь БДМУ
Навуковая ступень	доктар медыцынскіх навук (1998)
Навуковае званне	прафесар (1999)
Альма-матар	медыка-прафілактычны факультэт БДМУ (1973)
Узнагароды	Ганаровая грамата Савета Міністраў Рэспублікі Беларусь (2002) Ганаровая грамата Міністэрства аховы здароўя Рэспублікі Беларусь[d] (2002)

Біяграфія

Скончыў Мінскі дзяржаўны медыцынскі інстытут (1973), Беларускі дзяржаўны інстытут удасканалення ўрачоў (аспірантура, 1976).

Працаваў у Беларускай медыцынскай акадэміі паслядыпломнай адукацыі (1976—2004; у 1998—2004 — загадчык кафедры эпідэміялогіі і мікрабіялогіі, у 1950—1998 — дэкан санітарна-гігіенічнага, 1999—2001 — тэрапеўтычнага факультэта, у 2001—2004 — прарэктар па вучэбнай рабоце); Міністэрстве аховы здароўя Рэспублікі Беларусь (2004—2008, намеснік міністра, галоўны дзяржаўны санітарны ўрач Рэспублікі Беларусь); Рэдакцыйны савет часопіса «Мир медицины» (з 2008, старшыня); Беларускім дзяржаўным медыцынскім універсітэце (з 2011, прафесар кафедры агульнай гігіены).

Навуковыя інтарэсы: пытанні эпідэміялогіі і прафілактыкі назакаміяльных інфекцый.

Узнагароды

Знак «Выдатнік аховы здароўя Рэспублікі Беларусь».

Літаратура

• Теоретические, методические и организационные основы эпидемиологического надзора за гнойно-септическими инфекциями новорожденных : автореферат диссертации … доктора медицинских наук : 14.00.30 / Римжа Михаил Иванович. — Санкт-Петербург, 1997.
• Римжа Михаил Иванович // Республика Беларусь : энциклопедия : [в 7 т.]. — Минск, 2008. — Т. 6. — С. 466.
• Римжа Михаил Иванович // Заведующие кафедрами, профессора и доктора наук Белорусской медицинской академии последипломного образования, 1931—2011 : к 80-летию БелМАПО. — Минск, 2011. — С. 42—44.
• Римжа Михаил Иванович // Руководители, заведующие кафедрами, профессора и доктора наук Белорусской медицинской академии последипломного образования (1931—2006). — Минск, 2006. — С. 25.