Беларуская медыцынская акадэмія паслядыпломнай адукацыі
Беларуская медыцынская акадэмія паслядыпломнай адукацыі (БМАПА) — дзяржаўная вышэйшая медыцынская навучальная ўстанова Беларусі, якая знаходзіцца ў Мінску на вул. П. Броўкі д. 3 кор. 3. Займаецца перападрыхтоўкай спецыялістаў і павышэннем кваліфікацыі. Згодна дадзеным сайта арганізацыі, Акадэмія штогод рыхтуе 18 тыс. спецыялістаў па 81 спецыяльнасці[3] Пры вну дзейнічае аспірантура і дактарантура.
| Беларуская медыцынская акадэмія паслядыпломнай адукацыі (БМАПА) | |
|---|---|
 | |
_p13_%E2%80%94_Academy_of_advanced_medical_studies.jpg) | |
| Заснаваны | 1931[1] |
| Тып | дзяржаўны |
| Рэктар | Аляксей Мікалаевіч Чуканаў |
| Размяшчэнне |
 Беларусь, Мінск |
| Юрыдычны адрас | 220013. г. Мінск вул. П. Броўкі д. 3, к. 3 |
| Узнагароды |
 |
| Сайт | belmapo.by[2] |
Гісторыя АкадэмііПравіць
У 1931 годзе быў створаны Беларускі дзяржаўны інстытут удасканалення ўрачоў. Ён знаходзіўся ў Мінску на вул. Кастрычніцкай, д. 24. У час Вялікай Айчыннай вайны не дзейнічаў і аднавіў сваю дзейнасць у 1945 г.
У 1982 годзе Інстытут быў узнагароджаны ордэнам Працоўнага Чырвонага Сцяга.
У 2000 годзе на базе Інстытута была створана акадэмія з цяперашняй назвай[4]. У 2004 г. пасля таго як ЕГУ быў пазбаўлены ліцэнзіі, у яго будынак на вул. П. Броўкі, 3/3 пераехала БМАПА, дзе і знаходзіцца ў цяперашні час. У 2008 г. пры Акадэміі быў створаны Прафесарскі лячэбна-кансультатыўны цэнтр. У цяперашні час БМАПА актыўна ўдзельнічае ў экспарце адукацыйных паслуг. На сайце арганізацыі адзначаецца: «У БелМАПА маецца вялікі вопыт па навучанні ў клінічнай ардынатуры і аспірантуры замежных грамадзян. Навучанне праводзіцца больш як па 50 медыцынскіх спецыяльнасцях. Геаграфія міжнародных зносін уключае ў сябе такія краіны як: Расія, Туніс, Емен, Сірыя, Эстонія, Іран, Іарданія, Швецыя, Непал, Ліван, Венесуэла, Замбія, Лівія, Індыя, Кітай[1] Архівавана 24 ліпеня 2017.».
Факультэты АкадэмііПравіць
РэктарыПравіць
- Майсей Анісімавіч Хазанаў (1931—1934)
- Уладзімір Яхімавіч Дабрускін (1934—1938)
- Ісак Майсеевіч Нісенбаум (1938—1941)
- Файфель Якаўлевіч Шульц (1945—1946)
- Уладзімір Вікенцьевіч Бабук (1946—1949)
- Уладзімір Восіпавіч Марзон (1949—1953)
- Марыя Навумаўна Жукава (1953—1958)
- Мікалай Фёдаравіч Паўлаў (1958—1960)
- Мікалай Яўсеевіч Саўчанка (1960—1966)
- Аляксандр Уладзіміравіч Руцкі (1966—1998)
- Аляксандр Генадзьевіч Мрочак (1998—2004)
- Генадзь Якаўлевіч Хулуп (2004—2009)
- Юрый Яўгенавіч Дзямідчык (2009—2014)
- Міхаіл Аляксандравіч Герасіменка (2014—2018)
- Дзмітрый Міхайлавіч Ніткін (2018—2020)
- Аляксей Мікалаевіч Чуканаў (з 2020)
Вядомыя выкладчыкіПравіць
- Андрэй Дзмітрыевіч Адзенскі (1897—1979) — беларускі савецкі тэрапеўт.
Зноскі
- ↑ GRID Release 2017-05-22 — 2017-05-22 — 2017. — doi:10.6084/M9.FIGSHARE.5032286
- ↑ Подведомственные организации — Міністэрства аховы здароўя Рэспублікі Беларусь.
- ↑ Главная страница официального сайта БМАПО
- ↑ История Академии Архівавана 24 ліпеня 2017.//Сайт БМАПО