Міхаіл Іванавіч Сазонаў

Міхаіл Іванавіч Сазо́наў (руск.: Михаил Иванович Сазонов; нар. 7 кастрычніка 1938) — вучоны ў галіне тэхнікі і фізікі плазмы, доктар тэхнічных навук (1992), прафесар (2009).

Міхаіл Іванавіч Сазонаў
Дата нараджэння	7 кастрычніка 1938(1938-10-07) (86 гадоў)
Месца нараджэння	Канск, Краснаярскі край, РСФСР, СССР
Грамадзянства	СССР  Беларусь
Род дзейнасці	навуковец
Навуковая сфера	фізіка плазмы і прыкладная механіка
Месца працы	Сібірскае аддзяленне Расійскай акадэміі навук БрДТУ
Навуковая ступень	доктар тэхнічных навук (1992)
Навуковае званне	прафесар
Альма-матар	МДУ

Біяграфія

Нарадзіўся ў Канску. У 1961 годзе скончыў Маскоўскі дзяржаўны ўніверсітэт імя М. В. Ламаносава па спецыяльнасці «Фізіка». У 1961—1970 гадах працаваў малодшым навуковым супрацоўнікам, супрацоўнікам у Інстытуце тэарэтычнай і прыкладной механікі, у 1970—1976 гадах старшым навуковым супрацоўнікам у Інстытуце цеплафізікі Сібірскага аддзялення АН СССР. З 1976 года М. І. Сазонаў у Брэсцкім дзяржаўным тэхнічным універсітэце — прафесар кафедры прыкладной механікі машынабудаўнічага факультэта.

Навуковая дзейнасць

Аўтар навуковых прац па даследаванні нізкатэмпературнай плазмы, доўгіх электрычных і турбулентных дуг, прыэлектродных працэсаў, па распрацоўцы прамысловых плазматронаў з высокім ККДз.

Узнагароды і званні

• Ганаровы прафесар Універсітэта Мінесоты (University of Minnesota, USA, 1974).

Літаратура

• Сазонаў Міхаіл Іванавіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 81. — 10 000 экз. — ISBN 985-11-0035-8. — ISBN 985-11-0238-5 (т. 14).

Спасылкі

• Вучоныя Беларусі: Сазонаў, Міхаіл Іванавіч (доктар тэхнічных навук; фізіка; механіка; нар. 1938) // Нацыянальная бібліятэка Беларусі
• Беларусь у асобах і падзеях: Сазонаў Міхаіл Іванавіч // Нацыянальная бібліятэка Беларусі