Міхаіл Фёдаравіч Лойка

Міхаіл Фёдаравіч Лойка
Міхаіл Фёдаравіч Лойка
Род дзейнасці	матэматык, эканаміст, географ
Дата нараджэння	1 лістапада 1892 ці 14 лістапада 1892
Месца нараджэння	Ярэмічы, Ярэміцкая воласць[d], Навагрудскі павет, Мінская губерня, Расійская імперыя;
Дата смерці	28 верасня 1937 (44 гады)
Месца смерці	Менск, БССР, СССР;
Грамадзянства	Расійская імперыя; СССР;
Месца працы	Народны камісарыят асветы РСФСР[d]; Камуністычны ўніверсітэт нацыянальных меншасцей Захаду імя Мархлеўскага[d]; Інстытут эканомікі НАН Беларусі; БДПУ;
Альма-матар	Расійскі эканамічны ўніверсітэт імя Г. В. Пляханава;
Партыя	КПСС;

Міхаіл Фёдаравіч Лойка (14 лістапада 1892, мяст. Ярэмічы Карэліцкага р-на — 28 верасня 1937) — беларускі эканаміст, географ, матэматык.

Біяграфія

Паходзіў з сялянскай сям’і. Скончыў агульнаадукацыйныя курсы А. Чарняева ў Пецярбургу (1912). З 1921 — у Маскве, быў загадчыкам Бюро беларускіх секцый Наркамасветы РСФСР, прадстаўніком Наркамасветы БССР пры Наркамасвеце РСФСР. У 1924 выкладаў геаграфію ў беларускім сектары Камуністычнага універсітэта нацыянальных меншасцяў Захаду. У 2-й пал. 1920-х вучыўся ў Маскоўскім інстытуце народнай гаспадаркі. Актыўна ўдзельнічаў у беларускім студэнцкім руху ў Маскве. У 1931-33 працаваў вучоным сакратаром, намеснікам дырэктара Інстытута эканомікі Беларускай акадэміі навук. Пасля — загадчык кафедры эканамічнай геаграфіі Мінскага педінстытута.

Выдаў кнігі «Фізічная геаграфія» (1932, у сааўт.), «Геаграфія. Фізічная і палітычная карта свету». Вып. 1-2 (1932-33, у сааўт.). У 1920-я — пач. 1930-х выпусціў некалькі навучальных дапаможнікаў па матэматыцы.

Быў жанаты, гадаваў траіх дзяцей. Арыштаваны 3.12.1936 у Менску. Асуджаны «тройкай» НКВД 22.9.1937 як «член контррэвалюцыйнай арганізацыі» і «польскі шпіён» да ВМП з канфіскацыяй маёмасці. Расстраляны. Рэабілітаваны трыбуналам БВА 29.10.1957.

Літаратура

Пяткевіч А. М. Людзі культуры з Гродзеншчыны: Даведнік. — Гродна: ГрДУ, 2000. — 356 с.
Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 3. Кніга 2 / Укладальнік Л. У. Маракоў. — Мн., 2005.