Мікалай Паўлавіч Ягораў

Мікалай Паўлавіч Ягораў (6 мая 1937, Менск) — беларускі архітэктар.

Мікалай Паўлавіч Ягораў
Дата нараджэння	6 мая 1937(1937-05-06) (87 гадоў)
Месца нараджэння	Менск, БССР, СССР
Альма-матар	БПІ (1963)
Месца працы	Віцебсксельбудпраект[d] Мінскпраект Белжылпраект
Член у	Саюз архітэктараў СССР Беларускі саюз архітэктараў

Біяграфія

Скончыў Беларускі політэхнічны інстытут у 1963 г. Працаваў у Віцебскім аблміжкалгаспраекце, Мінскпраекце, з 1973 года — кіраўнік групы архітэктараў у Белжылпраекце.

Член Саюза архітэктараў СССР з 1973 года. Пражывае ў Мінску.

Творчасць

Асноўныя працы (у аўтарскім калектыве): секцыі цаглянага жылога дома серыі МК-9 (1967), 12-павярховыя жылыя дамы ў мікрараёне Зялёны Луг-3 (1970), рэканструкцыя будынка Міндарбуда БССР па вул. Берсана (1979), вытворчы будынак Белжылпраекта і ІВЦ Мінфіна БССР па вул. Апанскага, 17 (1978) у Мінску.

Літаратура

• Егоров Николай Павлович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)