Натан Абрамавіч Зархі

Натан Абрамавіч Зархі (першапачатковае імя Ісак Абрамавіч Гурэвіч; 1900, Орша — 18 ліпеня 1935) — савецкі драматург, кінасцэнарыст, тэарэтык кіно. Заслужаны дзеяч мастацтваў РСФСР (1935).

Натан Абрамавіч Зархі
Род дзейнасці	пісьменнік, сцэнарыст
Дата нараджэння	1900
Месца нараджэння	Орша, Расійская імперыя
Дата смерці	18 ліпеня 1935(1935-07-18)
Месца смерці	Мыцішчы, гарадская акруга Мыцішчы[d], Маскоўская вобласць, РСФСР, СССР
Месца пахавання	Новадзявочыя могілкі
Грамадзянства	Расійская імперыя  СССР
Месца працы	Усерасійскі дзяржаўны ўніверсітэт кінематаграфіі імя С. А. Герасімава
Альма-матар	гісторыка-філалагічны факультэт Маскоўскага ўніверсітэта[d]
Узнагароды і прэміі

Біяграфія

Нарадзіўся ў Оршы. Скончыў гісторыка-філалагічны факультэт МДУ. Працаваць у кіно пачаў з 1923 года. Адзін з першых прафесійных кінадраматургаў савецкага кіно. Аўтар пятнаццаці сцэнарыяў і трох п’ес. Вёў педагагічную працу ва УДІКу.

Загінуў у аўтакатастрофе. 17 ліпеня ўвечары разам з кінарэжысёрам У. І. Пудоўкіным ехалі на аўтамабілі з Масквы ў Абрамцава. На Яраслаўскай шашы, паблізу ст. Мыцішчы, адбылася катастрофа. Цяжкапаранены Н. А. Зархі і шафёр машыны былі дастаўлены ў мыцішчынскую бальніцу, дзе, нягледзячы на зробленае Н. А. Зархі пераліванне крыві, ён а 7 гадзіне 18 ліпеня сканаў. Крэміраваны ўвечары 19 ліпеня, 20 ліпеня скрыня з прахам пахаваная на Новадзявочых могілках Масквы.

Жонка — Яўгенія Якаўлеўна Зархі (Гурэвіч, 1900—1969).

Сцэнарыі фільмаў

• 1924 — асабняк Галубіных
• 1926 — Маці
• 1927 — Булат-Батыр (сумесна з Ю. В. Тарычам)
• 1927 — Канец Санкт-Пецярбурга
• 1927 — Перамога жанчыны
• 1930 — Гарады і гады (сумесна з Я. Чарвяковым)
• 1932 — Бамбіст
• 1938 — Перамога (дапісаны У. Вішнеўскім)