Няманя Мілунавіч (сербск.: Немања Милуновић; нар. 31 мая 1989, Чачак, Сербія) — сербскі футбаліст, абаронца клуба «Црвена Звезда».

Футбол
Няманя Мілунавіч
Нарадзіўся 31 мая 1989(1989-05-31)[1] (32 гады)
Грамадзянства Сцяг Сербіі Сербія
Рост 194 см
Вага 86 кг
Пазіцыя абаронца
Інфармацыя пра клуб
Клуб Сцяг Сербіі Црвена Звезда
Нумар 19
Клубная кар’ера[* 1]
2008—2011 Сцяг Сербіі Борац (Чачак) 4 (1)
2008—2009   Сцяг Сербіі Младаст (Лучані) 30 (0)
2010—2011   Сцяг Сербіі Младаст (Лучані) 26 (0)
2011—2015 Сцяг Сербіі Младаст (Лучані) 96 (12)
2015—2018 Сцяг Беларусі БАТЭ (Барысаў) 59 (6)
2019— Сцяг Сербіі Црвена Звезда (Бялград)
Нацыянальная зборная[* 2]
2016 Сцяг Сербіі Сербія 3 (1)
  1. Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 20 снежня 2018.
  2. Колькасць гульняў і галоў за нацыянальную зборную ў афіцыйных матчах, адкарэктавана станам на 23 снежня 2017

Клубная кар’ераПравіць

Пачынаў кар’еру ў клубе сербскай Суперлігі «Борац» з роднага горада Чачак. Аднак замацавацца ў «Борацы» не здолеў, таму аддаваўся ў арэнду клубу Першай лігі «Младаст» (Лучані). У складзе «Младасці» стаў асноўным іграком, а ў 2013 годзе таксама і капітанам каманды. Па выніках сезону 2013/14 дапамог свайму клубу выйсці ў Суперлігу.

У лютым 2015 года накіраваўся на прагляд у барысаўскі БАТЭ і здолеў добра сябе зарэкамендаваць. 21 лютага 2015 года згуляў свой апошні матч за «Младаст», а 6 сакавіка падпісаў кантракт з БАТЭ[2]. У хуткім часе замацаваўся ў асноўным складзе барысаўчан на пазіцыі цэнтральнага абаронцы, дзе замяніў Ягора Філіпенку, які перайшоў у «Малагу». Дзякуючы выдатнай гульне, Мілунавіч быў прызнаны найлепшым абаронцам чэмпіянату Беларусі 2015[3].

У снежні 2015 года падоўжыў кантракт з БАТЭ[4]. Пачатак сезону 2016 прапусціў з-за траўмы, пазней вярнуўся ў строй, але ў ліпені з-за чарговай траўмы выбыў да канца сезону. У сезоне 2017 вярнуўся ў стартавы склад, хоць часам выбываў з-за траўм, і па выніках сезону зноў быў прызнаны найлепшым абаронцам чэмпіянату.

Большую частку сезону 2018 прапусціў з-за траўмы, згуляў усяго ў 11 матчах (5 у чэмпіянаце Беларусі, 3 у еўракубках, 3 у Кубку і Суперкубку Беларусі). У снежні 2018 года ў якасці свабоднага агента перайшоў у бялградскую «Црвену Звезду», падпісаўшы кантракт на 2,5 гады[5].

Міжнародная кар’ераПравіць

25 мая 2016 года дэбютаваў у складзе нацыянальнай зборнай Сербіі ў таварыскім матчы супраць Кіпра, адгуляўшы ўсе 90 хвілін[6].

ДасягненніПравіць

Зноскі

СпасылкіПравіць