Парк Цівалі (Мінск)

парк у Мінску

Парк Цівалі — парк у Фрунзенскім раёне Мінска. Тэрыторыя абмежавана вуліцамі Прытыцкага, Пятра Глебкі і Матусевіча[1].

Парк Цівалі
Асноўная інфармацыя
Тыппарк
Размяшчэнне
53°54′46″ пн. ш. 27°28′06″ у. д.HGЯO
Краіна
ГорадМінск
РаёнФрунзенскі раён
Гістарычны раёнЦівалі 
Парк Цівалі (Мінск) (Беларусь)
Парк Цівалі
Парк Цівалі
Парк Цівалі (Мінск) (Мінск)
Парк Цівалі
Парк Цівалі
Map

Гісторыя правіць

У сярэдзіне XIX стагоддзя гарадскія землі, якія знаходзіліся за Кальварыяй, узяў у арэнду аптэкар Гольцберг, які пабудаваў там новую сядзібу «Цівалі» і стварыў культурны куток губернскага Мінска, адкрыўшы летні тэатр «Цівалі» і рэстаран. Сядзіба была названа так па назве парку актыўнага адпачынку «Цівалі» ў Капенгагене, які пачаў працаваць у 1844 годзе і стаў настолькі папулярным, што ў многіх еўрапейскіх гарадах праз некаторы час узнікалі аднайменныя паркі[2].

9 студзеня 2007 года Мінскім гарадскім Саветам дэпутатаў парку была афіцыйна прысвоена назва «Цівалі»[1].

УП «Мінскпраект» падрыхтаваў праект добраўпарадкавання парку зыходзячы з яго гістарычнай назвы[2].

13 верасня 2014 года парк Цівалі адкрыўся пасля рэканструкцыі. На цырымоніі адкрыцця прысутнічалі памочнік Прэзідэнта – галоўны інспектар па Мінску Аляксандр Якабсон, старшыня Мінгарвыканкама Мікалай Ладуцька, кіраўнік адміністрацыі Фрунзенскага раёна Барыс Васільеў і іншыя. У парку рэканструявана цэнтральная лесвіца, добраўпарадкаваны пешаходныя дарожкі, усталявана асвятленне, лаўкі, урны для смецця[3].

Зноскі

Спасылкі правіць