Партыя свабоды і справядлівасці (Сербія)
Партыя свабоды і справядлівасці (сербск.: Странка слободе и правде/Stranka slobode i pravde) — сацыяльна-дэмакратычная палітычная партыя ў Сербіі. Кіраўніком партыі ёсць Драган Джылас.
Партыя свабоды і справядлівасці | |
---|---|
сербск.: Странка слободе и правде | |
Лідар | Драган Джылас[d] |
Дата заснавання | 19 красавіка 2019 |
Штаб-кватэра | |
Краіна | |
Ідэалогія | сацыял-дэмакратыя |
Сайт | ssp.rs |
Гісторыя
правіцьПартыя была закладзена ў 2019 годзе па зліцці Зялёнай экалагічнай партыі — Зялёныя і таксама Сербскай лявіцы[1]. Партыя ўваходзіла ў Саюз за Сербію, кааліцыю апазіцыйных палітычных партый. Гэтае аб’яднанне была ўтворанае кіраўніком партыі Джыласам у 2018 годзе. Гэты саюз байкатаваў парламенцкія выбары 2020 года, бо лічыў, што выбары не будуць свабоднымі і справядлівымі[2][3]. Пасля выбараў партыя стала часткай Аб’яднанай апазіцыі Сербіі, пераемніцы Саюза за Сербію. Новая кааліцыя была распушчана ў студзені 2023 года праз спрэчкі паміж Партыяй свабоды і справядлівасці і Народнай партыяй.
Ідэалогія
правіцьПартыя палягае на левацэнтрызме і знаходзіцца ў апазіцыі да Сербскай прагрэсіўнай партыі. Партыя мае антыкарупцыйны кірунак, а таксама заклікае да падатковых рэформ, якія мусяць прывесці да прагрэсіўнага падаткаабкладання. Таксама партыя падтрымлівае фінансаванне дармовых падручнікаў і школьнага харчавання[4], а таксама дамагаецца ўсталявання новага працоўнага заканадаўства[5]. Яна падтрымлівае далучэнне Сербіі да Еўрапейскага Саюза[6], і хоча, каб Сербія гарманізавала сваю замежную палітыку з ЕС, у тым ліку заклікае прыяднацца да санкцый у дачыненні да Расіі праз расійскае ўварванне ва Украіну. Партыя крытыкуе кітайскія інвестыцыі ў інфраструктуру[7], а таксама распрацавала платформу, дзякуючы якой яны паабяцалі перамір’е і супрацу паміж краінамі на Балканах. Прыхільнікі партыі маюць праеўрапейскія погляды, а таксама лічаць сябе сацыяльна прагрэсіўнымі. Партыя мае шчыльныя дачыненні з Сацыял-дэмакратычным саюзам Македоніі і Сацыял-дэмакратычнай партыяй Аўстрыі.
Зноскі
- ↑ «Osnovana Stranka slobode i pravde Dragana Đilasa». Radio Slobodna Evropa
- ↑ «Stranka slobode i pravde bojkotuje naredne izbore». Radio Television of Serbia
- ↑ «Vučić rejects proposals for a technical government, more parties announce election boycott». European Western Balkans.
- ↑ «SSP: Novac za tablete preusmeriti za besplatne udžbenike i obroke za đake». Danas
- ↑ «Opozicija: Položaj radnika u Srbiji sve teži». N1
- ↑ «Šta kažu programi partija: Od entuzijazma do skepse». Progovori o pregovorima
- ↑ Cvetković, Ljudmila (10.05.2021). «Deo opozicije po prvi put kritikuje vlast u Srbiji zbog Kine». Radio Free Europe
Спасылкі
правіць- Афіцыйны сайт Архівавана 10 красавіка 2023.