Парфірый (Праднюк)
Епіскап Парфірый (свецкае імя Алег Сцяпанавіч Прэднюк; нарадзіўся 25 сакавіка 1970, Кобрын) — беларускі праваслаўны дзеяч, епіскап.
Епіскап Парфірый | ||||
|---|---|---|---|---|
|
||||
| Царква | Беларускі Экзархат Рускай праваслаўнай царквы | |||
| Адукацыя |
|
|||
| Навуковая ступень | кандыдат багаслоўя[d] | |||
| Дзейнасць | святар | |||
| Імя пры нараджэнні | Алег Сцяпанавіч Прэднюк | |||
| Нараджэнне |
25 сакавіка 1970 (54 гады) |
|||
| Узнагароды |
  |
|||
Біяграфія
правіцьУ 1987 г. пасля заканчэння сярэдняй школы паступіў у Брэсцкі політэхнічны інстытут на электронна-механічны факультэт. Па заканчэнні першага курса быў прызваны ў рады Узброеных сіл.
З 1990 г. працягнуў навучанне ў інстытуце, які скончыў у 1994 г. з кваліфікацыяй «інжынер-механік». З 1994 г. рэгулярна наведваў храм у в. Бухавічы Кобрынскага раёна, выконваючы абавязкі дзяка і чцяца.
У 1998-2002 гг. навучаўся ў Мінскай духоўнай семінарыі.
У 2002 г. прыняты ў лік браціі Успенскага Жыровіцкага манастыра.
27 сакавіка 2004 г. епіскапам Навагрудскім і Лідскім Гурыем, намеснікам Жыровіцкага манастыра, пастрыжаны ў расофор з імем Анісім ў гонар прападобнага Анісіма, затворніка Пячэрскага.
21 красавіка 2005 г. епіскапам Навагрудскім Гурыем пастрыжаны ў мантыю з імем Парфірый ў гонар свяшчэннамучаніка Парфірыя (Рубановіча), прасвітара.
4 мая 2005 г. мітрапалітам Мінскім і Слуцкім Філарэтам, Патрыяршым Экзархам усяе Беларусі, рукапаложаны ў іерадыякана.
3 снежня 2006 г. епіскапам Навагрудскім Гурыем пасвечаны ў іераманаха.
У 2007-2010 гг. навучаўся ў Мінскай духоўнай акадэміі. 2 верасня 2010 года абараніў кандыдацкую дысертацыю па пастырскай тэалогіі на тэму «Таінства пакаяння ў жыцці Царквы», за якую была прысвоена вучоная ступень кандыдата багаслоўя.
У Жыровіцкім манастыры з 2002 па 2009 гг. выконваў послух садоўніка. З 2009 па 2012 гг. выконваў абавязкі памочніка, а затым эканома Жыровіцкага манастыра. У 2012 г. вызвалены ад пасады эканома і прызначаны благачынным Жыровіцкага манастыра.
З 2013 г. — выкладчык Мінскіх духоўных школ. У 2014 г. прызначаны памочнікам духаўніка Мінскіх духоўных акадэміі і семінарыі.
У 2014 г. прызначаны намеснікам намесніка Жыровіцкага манастыра і старшынёй Сінадальнага аддзела па справах манастыроў і манаству Беларускага экзархата.
Рашэннем Свяшчэннага Сінода ад 25 снежня 2014 г. (журнал № 119) абраны Праасвяшчэнным Лідскім і Смаргонскім.
28 снежня 2014 г. за Літургіяй у храме святой мучаніцы Ірыны ў Пакроўскім г. Масквы (прадстаўніцтва Беларускага Экзархату) мітрапалітам Мінскім і Заслаўскім Паўлам, Патрыяршым Экзархам усяе Беларусі, узведзены ў сан архімандрыта.
Нарачоны ў епіскапа 18 студзеня 2015 г. у крыжовым храме ў гонар Уладзімірскай іконы Божай Маці Патрыяршай рэзідэнцыі ў Чыстым завулку г. Масквы. Хіратанісаны 5 красавіка за Літургіяй у Храме Хрыста Збавіцеля г. Масквы. Набажэнства ўзначаліў Свяцейшы Патрыярх Маскоўскі і ўсяе Русі Кірыл.