Пётр Рыгоравіч Ігнатовіч
Пётр Рыгоравіч Ігнатовіч (25 ліпеня 1937, в. Цярэсіна, Бярэзінскі раён, Мінская вобласць — 22 снежня 2022) — беларускі гісторык. Кандыдат гістарычных навук (1975), прафесар (2003).
| Пётр Рыгоравіч Ігнатовіч | |
|---|---|
| Дата нараджэння | 25 ліпеня 1937 |
| Месца нараджэння | |
| Дата смерці | 22 снежня 2022 (85 гадоў) |
| Грамадзянства | |
| Месца працы | |
| Навуковая ступень | кандыдат гістарычных навук |
| Навуковае званне | |
| Альма-матар | |
| Узнагароды | |
Біяграфія правіць
Скончыў Мінскае дзяржаўнае педагагічнае вучылішча імя Н. К. Крупскай (1956), Беларускі дзяржаўны ўніверсітэт (1965), Беларускі дзяржаўны інстытут народнай гаспадаркі імя В. У. Куйбышава (аспірантура, 1974).
Працаваў у сельскай школе (Чэрвенскі раён, Мінская вобласць; 1956—1959, настаўнік), Чэрвенскім раённым камітэце ЛКСМБ (сакратар), Чэрвенскім раённым Савеце дэпутатаў працоўных і яго выканаўчы камітэт (начальнік аддзела культуры), Беларускім дзяржаўным інстытуце народнай гаспадаркі імя В. У. Куйбышава (1975—1981, дацэнт кафедры навуковага камунізму), Беларускім дзяржаўным універсітэце культуры і мастацтваў (з 1981, прафесар кафедры культуралогіі, у 1992—2003 — загадчык кафедры, з 2015 — прафесар кафедры філасофіі і метадалогіі гуманітарных навук, з 2021 — кафедры сацыяльна-гуманітарных дысцыплін).
Навуковыя інтарэсы: сацыяльныя праблемы развіцця беларускага грамадства; беларуская нацыянальная культура; сацыякультурная дзейнасць ва ўмовах трансфармацыі беларускага грамадства; сацыялогія культуры.
Узнагароды правіць
Нагрудны знак «За ўклад у развiццё культуры Беларусi» (2012) і інш.
Бібліяграфія правіць
- Деятельность Компартии Белоруссии по повышению роли клубных учреждений в коммунистическом воспитании трудящихся (1966—1970 гг.) : автореферат диссертации … кандидата исторических наук : 07.00.01 / Игнатович Петр Григорьевич. ― Минск, 1974.
Зноскі
Літаратура правіць
- Адданы навуцы аб культуры (да 75-годдзя з дня нараджэння прафесара П. Р. Ігнатовіча) / А. І. Смолік // Веснік Беларускага дзяржаўнага ўніверсітэта культуры і мастацтваў. — 2012. — № 1. — С. 149—153.