Піктаграма

Піктаграма (лац.: pictura "малюнак", грэч. γράμμα "запіс") — сімвал, які адлюстроўвае галоўныя ўласцівасці і рысы таго ці іншага аб'екта, прадмета або з'явы.

Старажытныя піктаграмы

Запіс піктаграм або піктаграфія з'яўляецца адной з найстаражытнейшых сістэм выразнай перадачы інфармацыі праз сімвалы. Запісы ў форме малюнкаў, якія азначалі пэўны прадмет, лічбу або яго ўласцівасці, былі распаўсюджаны на тэрыторыі ад сучаснага Судана да Ірана ўжо ў 9 тысячагоддзі да н. э. У кан. 4 тысячагоддзя да н.э. яны леглі ў аснову першай вядомай формы пісьма - клінапісу, а пазней - пісьмовасці на аснове іерогліфаў.

Піктаграфічнае пісьмо было заснавана на выкарыстанні вялізнай колькасці знакаў, паколькі часцей за ўсё кожны знак атаясамляўся з канкрэтным словам або групай слоў. Акрамя таго, яно не адлюстроўвала фанетыку, граматыку і іншыя асаблівасці мовы.

• 
  Шумерскія піктаграмы для пазначэння лічбаў

Піктаграмы ў сучасным жыцці

Піктаграмы выкарыстоўваюцца для кароткіх паведамленняў у розных відах знакаў, у тым ліку дарожных, іконках інтэрфейсу той ці іншай камп’ютарнай праграмы, гандлёвых брэндах, знакаў на шыльдах і г. д.

• 
  Піктаграма перапрацоўкі
• 
  Знак туалету
• 
  Іконка Microsoft Windows

Гл. таксама

• Ідэаграфічнае пісьмо
• Складовае пісьмо
• Літарна-гукавое пісьмо

Літаратура

Літ.: Сучасная беларуская мова: Вучэб. дапам.. — Мн. : Выш. школа, 2006. — 559 с. ISBN 985-06-1140-5. С.60—63

Спасылкі

• На Вікісховішчы ёсць медыяфайлы па тэме Піктаграма