Рагаўскі сельсавет

Мінскі раён

Рагаўскі́ сельсавет — былая адміністрацыйна-тэрытарыяльная адзінка ў складзе Мінскага раёна Мінскай вобласці Беларусі. Цэнтр — вёска Рагава.

Рагаўскі сельсавет
Краіна Беларусь
Уваходзіць у Мінскі раён
Уключае 43 населеныя пункты
Адміністрацыйны цэнтр Рагава
Дата ўтварэння 20 жніўня 1924
Дата скасавання 28 мая 2013
Насельніцтва (2009) 2 299
Код аўтам. нумароў 5

Утвораны 20 жніўня 1924 года як Навадворскі сельсавет у складзе Заслаўскага раёна Мінскай акругі БССР. Цэнтр — фальварак Новы Двор. 13 чэрвеня 1929 года перайменаваны ў Рагаўскі сельсавет, цэнтр перанесены ў вёску Рагава. Пасля скасавання акруговай сістэмы 26 ліпеня 1930 года ў Заслаўскім раёне БССР. Пасля ўвядзення абласнога падзелу 20 лютага 1938 года ў Заслаўскім раёне Мінскай вобласці. З 8 жніўня 1959 года сельсавет у складзе Мінскага раёна. 20 студзеня 1960 года да сельсавета далучана тэрыторыя скасаванага Шаршунскага сельсавета, цэнтр сельсавета перанесены ў вёску Новы Двор[1]. У 1968 годзе цэнтр сельсавета вернуты ў вёску Рагава. 28 мая 2013 года ў склад Лашанскага сельсавета перададзены 4 населеныя пункты (Агаркі, Гуя, Кальзберг і Лісіцы), у склад Пятрышкаўскага сельсавета — 2 населеныя пункты (Ермакі і Кісялі), цэнтр сельсавета перанесены ў пасёлак Шаршуны, сельсавет перайменаваны ў Шаршунскі[2].

Насельніцтва сельсавета паводле перапісу 2009 года — 2299 чалавек[3], з іх 94,5 % — беларусы, 3,7 % — рускія, 0,7 % — украінцы[4].

Зноскі

  1. Рашэнне выканкома Мінскага абласнога Савета дэпутатаў працоўных ад 20 студзеня 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 2.
  2. Решение Минского областного Совета депутатов от 28 мая 2013 г. № 234 Об изменении административно-территориального устройства районов Минской области
  3. Насельніцтва населеных пунктаў Мінскай вобласці Беларусі паводле перапісу 2009 года (руск.) 
  4. Этнічны склад насельніцтва сельсаветаў Беларусі паводле перапісу 2009 года (руск.) 

ЛітаратураПравіць

  • Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
  • Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.