Разводдзе
(Пасля перасылкі з Разліў ракі)
Разводдзе — адна з фаз воднага рэжыму ракі, якая штогод паўтараецца ў адзін і той жа сезон года, — адносна доўгае і значнае павелічэнне воднасці ракі, якое выклікае падняцце яе ўзроўню; звычайна суправаджаецца выхадам вод з межаннага рэчышча і затапленнем поймы.
![](http://upload.wikimedia.org/wikipedia/commons/thumb/9/9b/%D0%A2%D1%80%D1%83%D1%82%D0%BE%D0%B2%D1%81%D0%BA%D0%B8%D0%B9_%D0%92_%D0%BF%D0%BE%D0%BB%D0%BE%D0%B2%D0%BE%D0%B4%D1%8C%D0%B5.jpg/220px-%D0%A2%D1%80%D1%83%D1%82%D0%BE%D0%B2%D1%81%D0%BA%D0%B8%D0%B9_%D0%92_%D0%BF%D0%BE%D0%BB%D0%BE%D0%B2%D0%BE%D0%B4%D1%8C%D0%B5.jpg)
Разводдзе выклікаецца ўзмоцненым працяглым прытокам вады, які можа быць абумоўлены:
- вясновым раставаннем снегу на раўнінах;
- летнім раставаннем снегу і леднікоў ў гарах;
- багатымі дажджамі.
Разводдзі, выкліканыя вясновым снегараставаннем, характэрныя для многіх раўнінных рэк, якія дзеляцца на 2 групы:
- ракі з перавагай вясновага сцёку (напрыклад, Волга, Урал)
- ракі з перавагай летняга сцёку (напрыклад, Анадыр, Юкан, Макензі).
Разводдзі, абумоўленыя летнім раставаннем горных снягоў і леднікоў, характэрныя для рэк Сярэдняй Азіі, Каўказа, Альпаў.
Паводкі, выкліканыя мусоннымі дажджамі, характэрныя для рэк Паўднёва-Усходняй Азіі (Янцзы, Меконг).