Раман Валер’евіч Бабаеў

Раман Бабаеў (нар. 13 ліпеня 1992, Мінск) — беларускі футбаліст, брамнік клуба «Юні Ікс Лабс».

Раман Бабаеў
Поўнае імя	Раман Валер’евіч Бабаеў
Нарадзіўся	13 ліпеня 1992(1992-07-13) (32 гады) Мінск, Беларусь
Грамадзянства	Беларусь
Рост	187 см
Пазіцыя	брамнік
Інфармацыя пра клуб
Клуб	Юні Ікс Лабс
Нумар	1
Клубная кар’ера
2008—2010 БАТЭ (Барысаў) 0 (0) 2011—2016 Зорка-БДУ (Мінск) 82 (-96) 2017 Прамень (Мінск) 14 (-15) 2018 Баранавічы 26 (-36) 2019 Крумкачы (Мінск) 9 (-14) 2020 Вікторыя (Мар’іна Горка) 18 (-30) 2020 Крумкачы (Мінск) 0 (0) 2021 Вікторыя (Мар’іна Горка) 1 (-0) 2021 Кронан (Стоўбцы) 9 (-9) 2022—2023 Вікторыя (Мар’іна Горка) 36 (-50) 2024— Юні Ікс Лабс (Мінск)

Клубная кар’ера

Пачынаў кар’еру ў дублі барысаўскага БАТЭ. У 2011—2016 гадах гуляў за «Зорку-БДУ», дзе чаргаваўся ў браме з іншымі ігракамі. У лютым 2017 года падпісаў кантракт з мінскім «Промнем», у першай палове сезона 2017 быў асноўным брамнікам каманды, але пасля саступіў месца Максіму Плотнікаву.

У сакавіку 2018 года стаў іграком «Баранавічаў», замацаваўся ў стартавым складзе каманды. Сезон 2019 правёў у «Крумкачах», пакінуў каманду ў студзені 2020 года. У 2020 годзе выступаў у Другой лізе за «Вікторыю» з Мар’інай Горкі, быў капітанам каманды. У самым канцы сезона быў рэзервовым брамнікам «Крумкачоў» у стыкавых матчах за месца ў Вышэйшай лізе, калі сталічны клуб не мог разлічваць на іншых брамнікаў.

Сезон 2021 распачаў у складзе «Вікторыі», але хутка перайшоў у стаўбцоўскі «Кронан». У пачатку 2022 года вярнуўся ў «Вікторыю». У пачатку 2024 года далучыўся да «Юні Ікс Лабс».

Дасягненні

• Пераможца Першай лігі чэмпіянату Беларусі: 2017