Максім Дзмітрыевіч Плотнікаў

Максім Плотнікаў
Максім Плотнікаў
Агульная інфармацыя
Поўнае імя	Максім Дзмітрыевіч Плотнікаў
Нарадзіўся	28 студзеня 1998 (24 гады); Пінск, Брэсцкая вобласць, Беларусь;
Грамадзянства	Беларусь
Рост	187 см
Вага	82 кг
Пазіцыя	брамнік
Інфармацыя пра клуб
Клуб	Шахцёр
Нумар	49
Клубная кар’ера
2022—	Шахцёр (Салігорск)
Нацыянальная зборная
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 1 лютага 2022. ; ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 27 верасня 2022 ;

Максім Плотнікаў (нар. 28 студзеня 1998, Пінск) — беларускі футбаліст, брамнік салігорскага «Шахцёра» і нацыянальнай зборнай Беларусі.

Клубная кар’ераПравіць

Выхаванец пінскай СДЮШАР-3, у юнацкім узросце далучыўся да мінскага «Дынама». З 2015 года пачаў выступаць за дубль мінчан і неўзабаве замацаваўся ў складзе каманды.

9 ліпеня 2017 года дэбютаваў у асноўнай камандзе мінчан, правёўшы ўсе 90 хвілін у матчы Кубка Беларусі супраць «Чысці» (4:0), дзе «Дынама» было прадстаўлена ў асноўным маладымі ігракамі. Неўзабаве быў аддадзены ў арэнду ў першалігавы «Прамень»^[3]. У «Промні» стаў асноўным брамнікам і па выніках сезона дапамог камандзе выйсці ў Вышэйшую лігу, быў прызнаны найлепшым брамнікам Першай лігі.

У студзені 2018 года пасля вяртання з арэнды трэніраваўся з асноўнай камандай «Дынама», аднак пасля падпісання дынамаўцамі Андрэя Гарбунова зноў далучыўся да «Промня», і неўзабаве арэнда была падоўжана яшчэ на адзін сезон^[4]. Пачынаў сезон 2018 у дублі «Промня», у Вышэйшай лізе дэбютаваў 28 красавіка 2018 года ў матчы супраць магілёўскага «Дняпра» (2:0), дзе дапамог сталічнай камандзе здабыць першую ў гісторыі перамогу ў элітным дывізіёне.

У ліпені 2018 года пасля прагляду на правах арэнды далучыўся да «Тарпеда-БелАЗ»^[5]. У жодзінскім клубе стаў другім брамнікам пасля Уладзіміра Бушмы.

У снежні 2018 года вярнуўся з арэнды ў «Дынама»^[6]. Застаўся ў камандзе на сезон 2019, здолеў выйграць канкурэнцыю ў Сяргея Ігнатовіча і стаць асноўным брамнікам мінчан. У ліпені 2020 года падоўжыў кантракт з клубам^[7]. З лета 2020 года стаў радзей з’яўляцца ў складзе з-за траўм, у 2021 годзе ўвогуле не выхадзіў на поле, толькі часам заставаўся на лаўцы запасных. У снежні 2021 года па заканчэнні кантракта пакінуў «Дынама»^[8].

Са студзеня 2022 года знаходзіўся на праглядзе ў салігорскім «Шахцёры» і ў лютым падпісаў кантракт з клубам^[9].

Міжнародная кар’ераПравіць

У 2013—2015 гадах выступаў за юнацкую зборную Беларусі (да 17 гадоў) у кваліфікацыі чэмпіянату Еўропы. У 2015—2016 гадах прыцягваўся да юніёрскай зборнай Беларусі (да 19 гадоў), аднак у кваліфікацыйных матчах чэмпіянату Еўропы заставаўся на лаўцы запасных.

8 чэрвеня 2018 года дэбютаваў у моладзевай зборнай Беларусі, адгуляўшы ўсе 90 хвілін у таварыскім матчы супраць Албаніі (1:1). Быў другім брамнікам моладзевай зборнай пасля Паўла Паўлючэнкі, хоць шмат адсутнічаў з-за траўм.

9 верасня 2019 года дэбютаваў у нацыянальнай зборнай Беларусі, адгуляўшы ўсе 90 хвілін у таварыскім матчы супраць Уэльса (0:1).

ДасягненніПравіць

Пераможца Першай лігі чэмпіянату Беларусі: 2017
У спісе 22 найлепшых футбалістаў чэмпіянату Беларусі: 2019

Статыстыка выступленняўПравіць

Сезон	Дывізіён	Клуб	Матчы	Галы
2015	дубль	Дынама	13	-13
2016	дубль	Дынама	22	-15
2017 (2)	дубль	Дынама	11	-10
2017 (2)	Д2	Прамень	16	-7
2018 (1)	Д1	Прамень	8	-12
2018 (2)	Д1	Тарпеда-БелАЗ	4	-3
2019	Д1	Дынама	23	-25
2020	Д1	Дынама	14	-11
2021	дубль	Дынама	8	-4

Зноскі

[club-3] Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 1 лютага 2022.

[national-4] Колькасць гульняў і галоў за нацыянальную зборную ў афіцыйных матчах, адкарэктавана станам на 27 верасня 2022

[_6d339ebb54be7a6c-1] ttps://team.abff.by/players/381

[_6bf546db42e35420-2] ttps://www.fcshakhter.by/player.asp?id=Maksim-Plotnikov-372&season=2022MEN

[5] Трансферныя навіны.(недаступная спасылка)

[6] Максiм Плотнiкаў адпраўляецца ў арэнду. Архівавана 17 мая 2018.

[7] "Торпедо-БелАЗ" арендовало у минского "Динамо" Плотникова

[8] Карпович, Салугин, Олехнович и Плотников покинули "Торпедо-БелАЗ"

[9] Максим Плотников продлил контракт с минским "Динамо"

[10] Риос, Плотников, Динга и еще три игрока покинули минское "Динамо"

[11] Максим Плотников стал игроком "Шахтера"

[1]

[2]

[* 1]

[* 2]

[3]

[4]

[5]

[6]

[7]

[8]

[9]