ФК Арсенал Дзяржынск
«Арсенал» — беларускі футбольны клуб з горада Дзяржынск, заснаваны ў 2019 годзе. У цяперашні час выступае ў Вышэйшай лізе чэмпіянату Беларусі.
| Арсенал Дзяржынск | |||
|---|---|---|---|
 | |||
| Заснаваны | 2019 | ||
| Горад | Дзяржынск, Беларусь | ||
| Стадыён |
РЦАР-БДУ, Мінск Умяшчальнасць: 1500 |
||
| Галоўны трэнер | Вячаслаў Вашкевіч | ||
| Чэмпіянат | Вышэйшая ліга | ||
| 2023 | ▲ 1 месца ў Першай лізе | ||
| |||
Гісторыя
правіцьАб стварэнні новага клуба пад назвай «Арсенал» стала вядома ў студзені 2019 года[1]. Фундатарамі новага клуба сталі беларускі прадпрымальнік Аляксей Меляшкевіч і шведскі бізнесмен Алекс Русхольм, прэзідэнт шведскага футбольнага клуба «АФК Эскільстуна»[2]. Каманда, складзеная ў асноўным з нядаўніх дублёраў клубаў Вышэйшай лігі, а таксама з некалькіх вопытных ветэранаў і мясцовых ігракоў, адразу заявілася ў Другую лігу чэмпіянату Беларусі. Каманда паспяхова прайшла дыстанцыю, выйграла барацьбу з «Ашмянамі-БДУФК» за першы радок і стала чэмпіёнам Другой лігі.
У 2020 годзе каманда працягвала камплектавацца маладымі ігракамі, а таксама некалькімі вопытнымі выканаўцамі. З-за неадпаведнасці стадыёна ў Дзяржынску патрабаванням хатнія матчы «Арсенал» праводзіў на стадыёне РЦАР-БДУ ў Мінску. Каманда добра пачала выступленне ў Першай лізе, доўгі час вёў барацьбу за высокія месцы і магчымы выхад у Вышэйшую лігу, але пазней стаў саступаць канкурэнтам і ў выніку стаў чацвёртым. У верасні пасаду галоўнага трэнера пакінуў Сяргей Ясковіч, замест яго кіраваць камандай стаў абаронца Павел Кірыльчык.
У сезоне 2021 камандай працягваў кіраваць Павел Кірыльчык. Хатнія матчы «Арсенал» стаў праводзіць на стадыёне «Гарадзея». Каманда хутка захапіла лідарства ў табліцы і, нягледзячы на шэраг няўдалых адрэзкаў, захавала першы радок да канца турніру і выйшла ў Вышэйшую лігу.
У сезоне 2022 клуб захаваў асноўных ігракоў. У Вышэйшай лізе клуб стаў адным з аўтсайдараў і доўгі час ішоў у зоне вылету, аднак паспяховы фініш дазволіў скончыць чэмпіянат на 14-м месцы з 16. У стыкавых матчах за месца ў Вышэйшай лізе на наступны сезон «Арсенал» саступіў рагачоўскаму «Макслайну» (3:2, 1:3) і выбыў у Першую лігу.
У пачатку 2023 года новым трэнерам каманды стаў Сяргей Паўлюковіч, якога ў ліпені замяніў Аляксандр Бразевіч. «Арсенал» выдатна пачаў сезон у Першай лізе, здабыўшы перамогі ў першых дзесяці турах, і ў далейшым захаваў першы радок да канца турніру, за тры туры да фінішу забяспечыўшы вяртанне ў Вышэйшую лігу.
Цяперашні склад
правіцьСтанам на верасень 2024 года[3].
|
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Трэнерскі штаб
правіць
Вячаслаў Вашкевіч (нар. 1983) — галоўны трэнер
Алег Кубараў (нар. 1966) — трэнер- Алег Трубіла (нар. 1992) — трэнер
- Даніл Драсвяннікаў (нар. 1984) — трэнер па фізпадрыхтоўцы
- Дзмітрый Рашчактаеў (нар. 2000) — трэнер-аналітык
Ігар Куцепаў (нар. 1965) — трэнер брамнікаў
Дасягненні
правіць- Пераможца Першай лігі чэмпіянату Беларусі (2): 2021, 2023
- Пераможца Другой лігі чэмпіянату Беларусі: 2019
Статыстыка выступленняў
правіцьЧэмпіянат і Кубак Беларусі
правіць| Сезон | Ліга | М | Г | В | Н | П | Галы | Ачкі | Кубак | Заўвагі |
|---|---|---|---|---|---|---|---|---|---|---|
| 2019 | Другая (Д3) | 1 | 28 | 25 | 1 | 2 | 119–14 | 76 | 1/16 фіналу |  Выхад у Першую лігу
|
| 2020 | Першая (Д2) | 4 | 26 | 13 | 7 | 6 | 41–28 | 46 | Чвэрцьфінал | |
| 2021 | Першая (Д2) | 1 | 33 | 20 | 8 | 5 | 59–22 | 68 | 1/8 фіналу | Выхад у Вышэйшую лігу
|
| 2022 | Вышэйшая (Д1) | 14 | 30 | 5 | 8 | 17 | 18–42 | 23 | 1/8 фіналу | |
| Пераходныя матчы[A] | 2 | 1 | 0 | 1 | 4–5 |  Вылет у Першую лігу
| ||||
| 2023 | Першая (Д2) | 1 | 32 | 26 | 3 | 3 | 86–30 | 81 | 1/8 фіналу | Выхад у Вышэйшую лігу
|
| 2024 | Вышэйшая (Д1) | 10 | 30 | 10 | 8 | 12 | 29–36 | 38 | 1/8 фіналу |
- ↑ Пераходныя матчы за месца ў Вышэйшай лізе супраць рагачоўскага «Макслайна», чацвёртай каманды Першай лігі 2022 (3:2, 1:3).
Галоўныя трэнеры
правіць- Сяргей Ясковіч (студзень 2019 — верасень 2020)
- Павел Кірыльчык (в. а. у верасні — снежні 2020; студзень 2021 — снежань 2022)
- Сяргей Паўлюковіч (студзень — ліпень 2023)
- Алег Трубіла (в. а. у ліпені 2023)
- Аляксандр Бразевіч (ліпень 2023 — снежань 2023)
- Вячаслаў Вашкевіч (са студзеня 2024)
Крыніцы
правіць- ↑ В Беларуси появится новый футбольный клуб – «Арсенал» из Дзержинска. С командой уже тренируются Вячеслав Глеб и Осипенко (руск.). by.tribuna.com.
- ↑ «Арсенал» из Дзержинска – очень амбициозный проект. Клуб заинтересовал даже младшего Глеба (руск.). by.tribuna.com.
- ↑ От "Динамо" до "Витебска": заявки клубов высшей лиги сезона-2024 (руск.). football.by (16 сакавіка 2024). Праверана 18 сакавіка 2024.