Уладзімір Фаміч Бушма
Уладзімір Бушма (нар. 24 лістапада 1983, Мінск) — беларускі футбаліст, брамнік рагачоўскага «Макслайна».
 Уладзімір Бушма | ||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||||
| Агульная інфармацыя | ||||||||||||||||||||||
| Поўнае імя | Уладзімір Фаміч Бушма | |||||||||||||||||||||
| Нарадзіўся |
24 лістапада 1983[1] (39 гадоў) |
|||||||||||||||||||||
| Грамадзянства |
 Беларусь |
|||||||||||||||||||||
| Рост | 190 см | |||||||||||||||||||||
| Вага | 80 кг | |||||||||||||||||||||
| Пазіцыя | брамнік | |||||||||||||||||||||
| Інфармацыя пра клуб | ||||||||||||||||||||||
| Клуб |
 Макслайн |
|||||||||||||||||||||
| Нумар | 69 | |||||||||||||||||||||
| Клубная кар’ера[* 1] | ||||||||||||||||||||||
|
||||||||||||||||||||||
|
||||||||||||||||||||||
Клубная кар’ераПравіць
Пачаў кар’еру ў мінскім аматарскім клубе СКАФ, з 2002 года ў складзе жодзінскага «Тарпеда». Пачынаючы з 2004 года гуляў за асноўную каманду, хутка стаў асноўным брамнікам «Тарпеда». Сезон 2008 прапусціў з-за траўмы.
У пачатку 2011 года перайшоў у «Гомель», дзе таксама быў асноўным брамнікам.
У снежні 2012 года падпісаў кантракт з «Мінскам». Быў першым брамнікам мінскага клуба, выдатнай гульнёй у серыі пенальці дапамог клубу выйграць Кубак Беларусі 2013, а пазней прайсці ў раўнд плэй-оф Лігі Еўропы. У верасні 2013 года атрымаў траўму, з-за якой выбыў да канца сезона.
У студзені 2014 года падоўжыў кантракт з «Мінскам» на год. Аднавіўшыся ад траўмы, зноў стаў асноўным брамнікам «Мінска» і заставаўся ім увесь сезон 2014. У студзені 2015 года па заканчэнні кантракта пакінуў сталічны клуб[2].
Пасля расставання з «Мінскам» накіраваўся на прагляд у малдаўскую «Дачыю», якую незадоўга да таго ўзначаліў беларускі спецыяліст Алег Кубараў, з якім Бушма працаваў у «Тарпеда» і «Гомелі», але кантракт так і не быў заключаны[3]. У выніку ў лютым 2015 года стаў іграком салігорскага «Шахцёра»[4]. У складзе гарнякоў стаў змагацца за месца ў аснове з найлепшым брамнікам чэмпіянату Беларусі Артурам Каценкам, у выніку здолеў забяспечыць сабе месца ў старце. У лістападзе 2015 года падоўжыў кантракт з «Шахцёрам»[5]. 29 красавіка 2016 года, захаваўшы браму ў недатыкальнасці ў матчы супраць «Нафтана» (2:0), уступіў у беларускі Клуб «сухіх» брамнікаў[6]. У сезоне 2016 канчаткова замацаваўся ў якасці асноўнага брамніка салігорцаў, дапамог камандзе выйграць срэбраныя медалі. У снежні 2016 года яшчэ на адзін сезон падоўжыў пагадненне з «Шахцёрам»[7]. У першай палове сезона 2017 быў асноўным брамнікам, а ў ліпені атрымаў траўму. Аднавіўся ад траўмы ў кастрычніку таго ж года, але на полі перастаў з’яўляцца.
У лістападзе 2017 года была дасягнута дамоўленасць аб пераходзе Бушмы ў жодзінскае «Тарпеда-БелАЗ»[8]. У першай палове сезона 2018 чаргаваўся ў браме з Іванам Канавалавым, пазней замацаваўся ў якасці асноўнага брамніка. У сезоне 2022 стаў саступаць месца на полі Дзмітрыю Дудару. У жніўні 2022 года па пагадненні бакоў пакінуў жодзінскі клуб[9].
У лістападзе 2022 года далучыўся да рагачоўскага «Макслайна» напярэдадні стыкавых матчаў за месца ў Вышэйшай лізе супраць дзяржынскага «Арсенала»[10]. У сакавіку 2023 года стала вядома, што Бушма застанецца ў «Макслайне» на сезон 2023[11].
ДасягненніПравіць
Срэбраны прызёр чэмпіянату Беларусі: 2016-
Бронзавы прызёр чэмпіянату Беларусі (3): 2011, 2015, 2017 - Уладальнік Кубка Беларусі (2): 2011, 2013
- Уладальнік Суперкубка Беларусі: 2012
- У спісе 22 найлепшых футбалістаў чэмпіянату Беларусі (4): 2007, 2009, 2011, 2016
Статыстыка выступленняўПравіць
| Сезон | Дывізіён | Клуб | Краіна | Матчы | Галы |
|---|---|---|---|---|---|
| 2001 | Д3 | СКАФ | |
23 | -30 |
| 2002 | дубль | Тарпеда | |
16 | -16 |
| 2003 | дубль | Тарпеда | |
24 | -6 |
| 2004 | Д1 | Тарпеда | |
1 | -0 |
| 2005 | Д1 | Тарпеда | |
3 | -4 |
| 2006 | Д1 | Тарпеда | |
11 | -15 |
| 2007 | Д1 | Тарпеда | |
24 | -16 |
| 2008 | Д1 | Тарпеда | |
3 | -1 |
| 2009 | Д1 | Тарпеда | |
24 | -18 |
| 2010 | Д1 | Тарпеда | |
22 | -35 |
| 2011 | Д1 | Гомель | |
29 | -18 |
| 2012 | Д1 | Гомель | |
24 | -17 |
| 2013 | Д1 | Мінск | |
21 | -26 |
| 2014 | Д1 | Мінск | |
31 | -34 |
| 2015 | Д1 | Шахцёр | |
18 | -18 |
| 2016 | Д1 | Шахцёр | |
29 | -19 |
| 2017 | Д1 | Шахцёр | |
15 | -17 |
| 2018 | Д1 | Тарпеда-БелАЗ | |
19 | -13 |
| 2019 | Д1 | Тарпеда-БелАЗ | |
23 | -29 |
| 2020 | Д1 | Тарпеда-БелАЗ | |
16 | -14 |
| 2021 | Д1 | Тарпеда-БелАЗ | |
27 | -39 |
| 2022 (1) | Д1 | Тарпеда-БелАЗ | |
4 | -9 |
Грамадзянская пазіцыяПравіць
Пасля жорсткага разгону акцый пратэстаў, выкліканых масавымі фальсіфікацыямі на прэзідэнцкіх выбарах 2020 года, збіцця і катаванняў затрыманых пратэстоўцаў, разам з 92 іншымі беларускімі футбалістамі выступіў з асуджэннем гвалту ў Беларусі[12].
Зноскі
- ↑ Vladimir Bushma // Transfermarkt — 2000. Праверана 9 кастрычніка 2017.
- ↑ Владимир Бушма покинул "Минск"
- ↑ Наша "Дачия". Сломанные носы
- ↑ Владимир Бушма подписал контракт с "Шахтером"
- ↑ Бушма и Матвейчик продлили контракты с "Шахтером"
- ↑ Сухо стой. Бушмы куш
- ↑ Бушма и Рыбак продлили соглашения с "Шахтером", Игнятиевич и Котенко покинули клуб
- ↑ Владимир Бушма возвращается в "Торпедо-БелАЗ"
- ↑ Владимир Бушма покинул "Торпедо-БелАЗ"
- ↑ Владимир Бушма стал игроком "Макслайна"
- ↑ Бушма продолжит выступать за "Макслайн" (руск.). football.by (7 сакавіка 2023). Праверана 8 сакавіка 2023.
- ↑ 93 беларускія футбалісты выступілі з асуджэннем гвалту ВІДЭА
СпасылкіПравіць
- Профіль на афіцыйным сайце «Мінска» Архівавана 23 лістапада 2013. (руск.)