Расава

Расава
Краіна	Беларусь
Вобласць	Гомельская
Раён	Светлагорскі
Сельсавет	Чыркавіцкі
Каардынаты	52°37′06″ пн. ш. 29°39′39″ у. д.HGЯO
Староста	Іван Пятровіч Нікіцін
Першая згадка	1795
Насельніцтва	154 чалавекі (2016)
Нацыянальны склад	беларусы
СААТА	3250832066
	Расава на Вікісховішчы

Расава́^[1] (трансліт.: Rasava, руск.: Расова) — былая вёска ў Светлагорскім раёне Гомельскай вобласці. Уваходзіла ў склад Чыркавіцкага сельсавета.

Геаграфія правіць

Размяшчэнне правіць

За 3 км на захад ад Светлагорска, 4 км ад чыгуначнай станцыі Светлагорск-на-Бярэзіне (на лініі Жлобін — Калінкавічы), 113 км ад Гомеля.

Гідраграфія правіць

На поўдні і ўсходзе меліярацыйныя каналы, рэчка Жардзянка злучае з ракой Бярэзінай (прыток ракі Дняпро).

Гісторыя правіць

Помнік жыхарам вёскі, якія загінулі ў Вялікай Айчыннай вайне

Брацкая магіла ў Расаве

Згадваецца ў рэвізскіх казках 1795 года як вёска Парыцкай воласці Бабруйскага павета Мінскай губерні. Мела 13 хат. Паводле перапісу 1897 года — 115 жыхароў, 21 двор, працавала карчма.

У 1921 годзе адкрыта школа. У 1930 годзе арганізаваны калгас «3-ці вырашальны», працавала кавальня. У час Вялікай Айчыннай вайны ў 1943-44 гадах у баях за вёску і наваколлі загінулі 225 савецкіх салдатаў (пахаваны ў брацкай магіле на паўднёвай ускраіне).

14 лістапада 2018 года Светлагорскі раённы савет дэпутатаў прыняў рашэнне аб далучэнні вёскі Расава да горада Светлагорск^[2].

30 снежня 2019 года скасавана^[3].

У сакавіку 2020 года заасфальтавалі ўсю вуліцу Цэнтральную.

У верасні 2020 далучана да Светлагорска.

Транспартная сетка правіць

Транспартныя сувязі па прасёлкавай, а затым аўтадарогах, якія адыходзяць ад Светлагорска. Планіроўка складаецца з просталінейнай вуліцы амаль мерыдыянальнай арыентацыі, да якой з захаду далучаецца кароткая просталінейная вуліца, з усходу — завулак. Забудова двухбаковая, драўляная, сядзібнага тыпу.

Вёска мае аўтобуснае паведамленне з горадам праз прыгарадныя аўтобусныя маршруты, а так жа адзін гарадскі маршрут які рухаецца праз в. Мядкоў. Частка аўтобусаў прыпыняецца на трасе Р82 (без заезда ў вёску), астатнія з заездам, у якой маеца некалькі прыпынкаў.

Насельніцтва правіць

1795 год — 13 хат.
1897 год — 21 двор, 115 жыхароў (паводле перапісу).
1917 год — 37 двароў 260 жыхароў (253 беларуса і 7 габрэяў).
1926 год — 50 двароў 269 жыхароў (усе беларусы).
1930 год — 55 двароў, 314 жыхароў.
1959 год — 272 жыхары (паводле перапісу).
2002 год — 70 жыхароў.
2004 год — 69 гаспадарак, 92 жыхара.
2016 год — 154 жыхары.

У вёсцы пераважала прозвішча Богдан^{[крыніца?]}.

Славутасці правіць

Вядомыя выхадцы правіць

І. Н. Усціменка — кавалер 3-х Георгіеўскіх крыжоў.
Сяргей Несцеравіч Прач (1919—1986) — беларускі краязнаўца, мовазнаўца.

Зноскі

↑ Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).. Сустракаецца таксама варыянт Ра́саў, м.
↑ Изменение границ Светлогорска: Расова войдет в состав города(недаступная спасылка)
↑ Решение Светлогорского районного Совета депутатов от 30 декабря 2019 г. № 122 Об упразднении сельских населенных пунктов Архівавана 12 лістапада 2021.

Спасылкі правіць

На Вікісховішчы ёсць медыяфайлы па тэме Расава

[1] Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).. Сустракаецца таксама варыянт Ра́саў, м.

[2] Изменение границ Светлогорска: Расова войдет в состав города(недаступная спасылка)

[3] Решение Светлогорского районного Совета депутатов от 30 декабря 2019 г. № 122 Об упразднении сельских населенных пунктов Архівавана 12 лістапада 2021.

[1]

[2]

[3]