Расійска-беларускі энергетычны канфлікт (2004)

Не блытаць з Расійска-беларускі энергетычны канфлікт, 2006.

Энергетычны канфлікт Расіі і Беларусі ў 2004 годзе з'яўляўся камерцыйнай і дыпламатычнай спрэчкай паміж Расіяй і Беларуссю, якая абвастрылася ў студзені 2004 года. Цесныя адносіны паміж дзвюма краінамі і гатоўнасць да палітычнай інтэграцыі далі магчымасць Беларусі купляць газ у Расіі па вельмі нізкім кошце. У канцы 1990-х гадоў знешняя палітыка Расіі змясцілася ад геапалітыкі і стала больш прагматычнай і эканамічнай, асабліва пасля інаўгурацыі прэзідэнта Уладзіміра Пуціна. У выніку «Газпром» зрабіў крокі, каб забяспечыць надзейнасць транзіту газу ў Еўропу, спрабуючы ўсталяваць кантроль над беларускай транзітнай сеткай. Беларусь першапачаткова пагадзілася прадаць 50% сеткі, але пасля рознагалоссяў па кошту, Беларусь разарвала кантракт. «Газпром» абвясціў аб росце цэнаў і пасля адмовы Беларусі спыніў імпарт газу ў Беларусь з 1 студзеня 2004 года. Беларусь кампенсавала патрэбу газам, прызначаным для транзіту ў Еўропу, што 18 лютага 2004 года прывяло да спынення цалкам пастаўкі ў Беларусь кампаніяй «Газпром». Іншыя кампаніі пастаўлялі ў Беларусь па кароткатэрміновых кантрактах да чэрвеня 2004 года, калі, нарэшце, з «Газпрам» быў падпісаны новы кантракт.

Гл. таксама

• Расійска-беларускі энергетычны канфлікт, 2010