Рыжкаў (Брагінскі раён)

Рыжкаў — вёска ў Буркоўскім сельсавеце Брагінскага раёна Гомельскай вобласці Беларусі.

Вёска Рыжкаў Краіна Беларусь Вобласць Гомельская Раён Брагінскі Сельсавет Буркоўскі Каардынаты 51°53′ пн. ш. 30°12′ у. д. Першая згадка XIX стагоддзе Насельніцтва 177 чалавек (2004) Часавы пояс UTC+3 Тэлефонны код 2344 Паштовыя індэксы 247633 Аўтамабільны код 3 Рыжкаў на карце Беларусі ±

Да 2009 года вёска ўваходзіла ў склад Мікуліцкага сельсавета.

Геаграфія

Размяшчэнне

У 17 км на паўночны захад ад Брагіна, 23 км ад чыгуначнай станцыі Хойнікі (на галінцы Васілевічы — Хойнікі ад лініі Калінкавічы — Гомель), 134 км ад Гомеля.

Транспартная сетка

Транспартныя сувязі па прасёлкавай, затым аўтамабільнай дарозе Брагін-Хойнікі.

Планіроўка складаецца з просталінейнай вуліцы, блізкай да мерыдыянальнай арыентацыі, да якой з усходу далучаецца кароткая просталінейная вуліца з завулкам. Забудова драўлянымі хатамі сядзібнага тыпу.

Гісторыя

Вядомая з XIX стагоддзя як вёска ў Рэчыцкім павеце Мінскай губерні У 1850 годзе . Паводле перапісу 1897 года знаходзіліся капліца, школа граматы, вятрак. У 1908 годзе ў Микуліцкай воласці.

З 8 снежня 1926 года па 30 снежня 1927 года цэнтр Рыжкаўскага сельсавета Брагінскага раёна Рэчыцкай, з 9 чэрвеня 1927 года Гомельскай акруг.

У 1931 годзе створаны калгас «Беларусь», працавала гамарня. У 1959 годзе ў складзе калгаса «Чырвоны Кастрычнік» (цэнтр — вёска Мікулічы). Ёсць клуб.

Насельніцтва

Колькасць

• 2004 год — 75 гаспадарак, 177 жыхароў.

Дынаміка

• 1850 год — 12 двароў, 111 жыхароў.
• 1897 год — 39 двароў, 263 жыхара (паводле перапісу).
• 1908 год — 81 двор, 431 жыхар.
• 1930 год — 97 двароў, 555 жыхароў.
• 1959 год — 570 жыхароў (паводле перапісу).
• 2004 год — 75 гаспадарак, 177 жыхароў.
• 2006 год — 75 гаспадарак, 178 чалавек

Літаратура

• Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: Белэн, 2004. 632с.: іл. Тыраж 4000 экз. ISBN 985-11-0303-9 ISBN 985-11-0302-0