Рэспубліканскі цэнтр медыцынскай рэабілітацыі і бальнеалячэння

Рэспубліканскі цэнтр медыцынскай рэабілітацыі і бальнеалячэння — медыцынская ўстанова ў Мінску. Размешчаны па адрасе вуліца Макаёнка, 17.

Рэспубліканскі цэнтр медыцынскай рэабілітацыі і бальнеалячэння
Лагатып Рэспубліканскага цэнтра медыцынскай рэабілітацыі і бальнеалячэння.png
Мінск. Рэспубліканскі цэнтр медыцынскай рэабілітацыі і бальнеалячэння (03).jpg
Размяшчэнне
Дата заснавання 1998
makaenka17med.by

ГісторыяПравіць

 
Сквер перад цэнтрам
 
Сквер перад цэнтрам

Заснаваны ў 1998 годзе у Мінску як Рэспубліканскі дыспансер радыяцыйнай медыцыны на базе гарадской курортнай водагразелячэбніцы і Рэспубліканскага дыспансера радыяцыйнай медыцыны. З 2004 года дзяржаўная ўстанова з сучаснай назвай. З 2005 года да яго далучаны Рэспубліканскі кансультатыўны эндакрыналагічны цэнтр.

СтруктураПравіць

У структуры цэнтра (2006): 6 аддзяленняў, клініка-дыягнастычная лабараторыя, працэдурны кабінет, кабінеты псіхатэрапіі, эндаскапічных метадаў даследавання і гідратэрапіі кішэчніка, медыка-технічная група, падраздзяленне водагразелячэння.

ДзейнасцьПравіць

Асноўныя кірункі дзейнасці: доктарская і стаматалагічная практыка, санаторна-курортнае лячэнне, выкарыстанне прыродных рэсурсаў, забеспячэнне прамысловай бяспекі і бяспекі юрыдычных і фізічных асоб. У цэнтры лечаць хваробы касцёва-мышачнай сістэмы, гінекалагічныя і ўралагічныя, нервовай сістэмы, органаў стрававання, захворванні органаў дыхання. Нароўні з вода- і гразелячэннем у комплексным лячэнні выкарыстоўваюцца розныя віды масажу, электрасвятлолячэння, іголкарэфлексатэрапія, лячэбна-фізкультурны комплекс, гідракінезатэрапія ў басейне з мінеральнай вадой.

Цэнтр сумесна з Нацыянальным інстытутам раку (ЗША) ажыццяўляе рэалізацыю праекта «Вывучэння раку і іншых захворванняў шчытападобнай залозы ў Беларусі пасля чарнобыльскай аварыі», а таксама «Праграмы актывізацыі беларуска-кітайскіх адносін на 2006-10 гады» (уключае стварэнне аддзялення традыцыйнай кітайскай медыцыны).

ЛітаратураПравіць

СпасылкіПравіць