Саюз камуністаў Югаславіі

Саюз камуністаў Югаславіі — камуністычная партыя ў Югаславіі, кіруючая партыя ў СФРЮ. Заснавана ў 1919 годзе на ўстаноўчым з’ездзе ў Бялградзе, як Сацыялістычная рабочая партыя Югаславіі (камуністаў). У 1920 годзе партыя была перайменавана ў Камуністычную партыю Югаславіі (КПЮ). КПЮ з’яўлялася членам Камуністычнага інтэрнацыянала.

Саюз камуністаў Югаславіі
сербахарв.: Савез комуниста Југославије сербахарв.: Savez komunista Jugoslavije славенск.: Zveza komunistov Jugoslavije макед.: Сојуз на комунистите на Југославија
Лідар	Іосіп Броз Ціта
Дата заснавання	1919
Дата роспуску	1990
Штаб-кватэра	Бялград
Краіна	Каралеўства Югаславія  Дэмакратычная Федэратыўная Югаславія  ФНРЮ  СФРЮ
Ідэалогія	камунізм, сацыялізм, цітаізм
Інтэрнацыянал	Камуністычны інтэрнацыянал (1943) Камуністычнае інфармацыйнае бюро (ліпень 1948)
Медыяфайлы на Вікісховішчы

З пачаткам Другой сусветнай вайны партыя прыняла актыўны ўдзел у народна-вызваленчай вайне Югаславіі.

Пасля абвяшчэння Федэратыўнай Народнай Рэспублікі Югаславіі КПЮ атрымала манаполію на ўладу ў Югаславіі, стаўшы тым самым кіруючай і адзінай партыяй у краіне. Камуністычная партыя Югаславіі з’яўлялась членам Камуністычнага інфармацыйнага бюро з 1947 года, але ў сувязі з савецка-югаслаўскім расколам партыя выйшла з арганізацыі.

У 1952 годзе партыя набыла назву Саюз камуністаў Югаславіі (СКЮ).

СКЮ была распушчана ў 1990 годзе на 14 з’ездзе партыі з-за супярэчнасцяў паміж сербскай і славенскай дэлегацыяй па пытаннях будучага ўладкавання федэрацыі.

Склад

У склад Саюза камуністаў Югаславіі ўваходзілі наступныя рэгіянальныя камуністычныя партыі:

• Саюз камуністаў Босніі і Герцагавіны
• Саюз камуністаў Македоніі
• Саюз камуністаў Сербіі
• Саюз камуністаў Славеніі
• Саюз камуністаў Харватыі
• Саюз камуністаў Чарнагорыі

Літаратура

• Севь­ян Д. А.. Из ис­то­рии Сою­за ком­му­ни­стов Юго­сла­вии, 1919–1945. — М., 1982.

Спасылкі

• Саюз камуністаў Югаславіі Архівавана 21 верасня 2020. — артыкул у Вялікай расійскай энцыклапедыі