Саўка Дабчэвіч-Кучар
Саўка Дабчэвіч-Кучар (харв.: Savka Dabčević-Kučar; нар. 6 снежня 1923, Корчула, Каралеўства сербаў, харватаў і славенцаў — 6 жніўня 2009, Заграб, Харватыя) — харвацкі палітычны дзеяч, старшыня Выканаўчага веча (1967—1969), першы сакратар Саюза камуністаў Харватыі (1969—1971). Першая ў Еўропе жанчына, якая стала прэм’ер-міністрам часткі федэратыўнай дзяржавы.
| Саўка Дабчэвіч-Кучар | |||||||
|---|---|---|---|---|---|---|---|
| харв.: Savka Dabčević-Kučar | |||||||
 | |||||||
|
|||||||
| Нараджэнне |
6 снежня 1923[1][2][…] |
||||||
| Смерць |
6 жніўня 2009[3][4] (85 гадоў) |
||||||
| Месца пахавання | |||||||
| Партыя | |||||||
| Адукацыя | |||||||
| Дзейнасць | эканаміст, палітык, камісар, выкладчыца ўніверсітэта, прэм’ер-міністр | ||||||
| Узнагароды |
 |
||||||
 Медыяфайлы на Вікісховішчы | |||||||
Біяграфія правіць
Дабчэвіч-Кучар увайшла ў харвацкую палітыку ў канцы 60-х гадоў XX стагоддзя як прадстаўнік рэфармісцкага пакалення Саюза камуністаў Харватыі.
Скончыла жаночую рэальную гімназію ў Спліце ў 1941 годзе. Не спыняла навучанне падчас ўсёй вайны, пастаянна хаваючыся ад італьянскіх фашыстаў, аднак пасля таго, як яе брат трапіў у палон да італьянцаў, сышла ў партызаны ў 1943 годзе. Незадоўга да канца вайны скончыла вышэйшую эканамічную школу, навучанне працягнула ў Ленінградскім дзяржаўным універсітэце, дзе правучылася два гады. Пасля разрыву савецка-югаслаўскіх адносін вярнулася на радзіму, скончыла Заграбскі ўніверсітэт у 1949 годзе.
У 1967—1969 гадах — старшыня Выканаўчага веча (Прэм’ер-міністр) Харватыі. На гэтай пасадзе ёй давялося сутыкнуцца, з аднаго боку, са студэнцкім рухам, які патрабуе большай дэмакратызацыі краіны. З іншага боку, кансерватыўныя прадстаўнікі Югаслаўскай народнай арміі баяліся палітычных пераменаў і ўсяляк ім процідзейнічалі. Дадзеныя падзеі ўвайшлі ў гісторыю як Харвацкая вясна.
У 1969—1971 гадах — першы сакратар Саюза камуністаў Харватыі. У снежні 1971 года была раскрытыкаваная Іосіпам Броз Ціта і, узяўшы ўвесь удар на сябе, была вымушаная сысці з ЦК і палітычнага жыцця Харватыі.
Вяртанне ў палітыку адбылося пасля ўвядзення шматпартыйнай сістэмы кіравання ў краіне. Восенню 1990 года разам з Міка Трыпала яны ствараюць уласную харвацкую народную партыю, якая стала вядучай апазіцыйнай сілай краіны. Аднак на выбарах 1992 года апазіцыйныя партыі адбіралі адзін у аднаго галасы, дазволіўшы кіруючаму ў той час дэмакратычнаму Саюзу выйграць выбары ў асобных акругах, атрымаўшы менш пятай часткі галасоў выбаршчыкаў.
У 1995 годзе расчараваная ходам і вынікамі выбараў Саўка Дабчэвіч-Кучар сышла ў адстаўку з пасады старшыні Народнай партыі.
Зноскі
- ↑ Savka Dabčević-kučar // Hrvatski biografski leksikon — 1983.
- ↑ Savka Dabčević-Kučar // Proleksis enciklopedija, Opća i nacionalna enciklopedija — 2009.
- ↑ http://www.webcitation.org/69NWAsJfl
- ↑ Brozović D., Ladan T. Savka Dabčević-Kučar // Hrvatska enciklopedija — LZMK, 1999. — 9272 с. — ISBN 978-953-6036-31-8
- ↑ https://www.gradskagroblja.hr/trazilica-pokojnika/15 Праверана 27 снежня 2022.
Спасылкі правіць
- Heroina Hrvatskog proljeća (харв.)
- U 86. godini umrla Savka Dabčević-Kučar (харв.)