Свята-Георгіеўская царква (Косава)

Свята-Георгіеўская царква — праваслаўны храм у г. Косава Івацэвіцкага раёна Брэсцкай вобласці.

Праваслаўны храм
Свята-Георгіеўская царква
52°45′09,11″ пн. ш. 25°08′43,84″ у. д.
Краіна	Беларусь
Горад	Косава
Канфесія	Беларуская праваслаўная царква
Епархія	Пінская і Лунінецкая
Дата пабудовы	1871 год
Статус	Гісторыка-культурная каштоўнасць Беларусі, шыфр 113Г000308

Гісторыя

Знаходзіцца на заходняй ускраіне горада, на могілках. Пабудавана ў 1871 г. з сасновага бруса.

Архітэктура

Помнік народнага дойлідства. Адназрубны храм з трохграннай апсідай, над якой агульны двухсхільны дах пераходзіць у 3-вальмавае пакрыццё. Цэнтр даху ўвянчаны цыбулепадобным купалам на васьмігранным барабане. Вертыкальна ашаляваныя фасады прарэзаны прамавугольнымі аконнымі праёмамі ў простых дашчаных ліштвах і расчлянёны брусамі-сцяжкамі ў прасценках. Да апсіды з паўднёва-ўсходняга боку далучаецца нізкі прыруб рызніцы.

Інтэр'ер

Зала з бэлечнай столлю, адкрытыя зрубныя сцены расчлянёны брусамі-сцяжкамі, падлога цагляная.

Літаратура

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• Свята-Георгіеўская царква (Косава) на сайце Radzima.org
• Свята-Георгіеўская царква (Косава) на сайце Глобус Беларусі (руск.)
• Свята-Георгіеўская царква (Косава) на сайце «Архіварта»