Свята-Петра-Паўлаўская царква (Замошша)

Свята-Петра-Паўлаўская царква — праваслаўны храм у в. Замошша Браслаўскага раёна Віцебскай вобласці.

Славутасць
Свята-Петра-Паўлаўская царква
55°29′42″ пн. ш. 27°05′11″ у. д.
Краіна	Беларусь
Вёска	Замошша
Канфесія	БПЦ
Епархія	Полацкая і Глыбоцкая епархія
Архітэктурны стыль	псеўдарускі стыль
Дата пабудовы	1893 год

Гісторыя

У цэнтры вёскі. Пабудавана ў 1893 годзе з цэглы.

Архітэктура

Помнік архітэктуры рэтраспектыўна-рускага стылю. Чатырохчасткавую аб’ёмна-прасторавую кампазіцыю фарміруюць двух’ярусны чатырохгранны шатровы прытвор-званіца, кароткая трапезная, кубападобная малітоўная зала пад шатровым дахам з макаўкай, гранёная апсіда. Фасады расчлянёны арачнымі аконнымі праёмамі і руставанымі лапаткамі, апяразаны гарадковымі фрызамі. Уваход аформлены кілепадобным парталам.

Літаратура

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• * Свята-Петра-Паўлаўская царква (Замошша) на сайце Праваслаўная архітэктура Беларусі (бел.)