Свята-Успенская царква (Капцёўка)

Свята-Успенская царква — праваслаўны храм у Беларусі, у вёсцы Капцёўка Гродзенскага раёна. Знаходзіцца ў цэнтры вёскі.

Славутасць
Свята-Успенская царква
Kapcioŭka, Belarus - panoramio.jpg
53°34′00,86″ пн. ш. 23°52′17,3″ у. д.HGЯO
Краіна Flag of Belarus.svg Беларусь
Вёска Капцёўка
Канфесія Беларуская Праваслаўная Царква
Епархія Гродзенская і Ваўкавыская епархія
Будаўніцтва 18641868 гады
Лагатып Вікісховішча Свята-Успенская царква на Вікісховішчы

ГісторыяПравіць

Пабудавана ў 1864—1868 гадах (паводле звестак епархіі, у 1891 годзе) з бутавага каменю.

АрхітэктураПравіць

Помнік архітэктуры рэтраспектыўна-рускага стылю. Чатырохчасткавы храм падоўжна-восевай кампазіцыі. Да кубападобнага ў плане асноўнага аб’ёму, накрытага чатырохсхільным дахам і завершанага васьмігранным барабанам з цыбулепадобнай галоўкай, праз прамавугольную трапезную далучаецца трох’ярусная шатровая званіца (васьмярык на 2 чацверыках). З усходу прымыкае паўкруглая апсіда. На ружовым фоне бутавай муроўкі сцен вылучаюцца элементы архітэктурнага дэкору: атынкаваныя і пабеленыя прафіляваныя ліштвы, руставаныя абрамленні арачных аконных праёмаў, вуглавыя лапаткі, аркатурныя фрызы і нішы. Арачныя праёмы атынкаванага яруса-звона дэкарыраваны кілепадобнымі какошнікамі.

ЛітаратураПравіць

СпасылкіПравіць