Свята-Успенская царква (Паніквы)
Свята-Успенская царква — праваслаўны храм у в. Паніквы (Камянецкі раён Брэсцкай вобласці).
| Праваслаўны храм | |
| Свята-Успенская царква | |
|---|---|
.jpg) | |
| 52°17′14″ пн. ш. 23°14′41″ у. д.HGЯO | |
| Краіна |
 Беларусь |
| Вёска | Паніквы |
| Канфесія | Праваслаўе |
| Епархія | Брэсцкая і Кобрынская епархія |
| Дата пабудовы | 1791 год |
| Стан | дзейнічае |
 |
|
 Медыяфайлы на Вікісховішчы | |
Гісторыя
правіцьУ цэнтры вёскі. Пабудавана ў 1791 годзе з дрэва, у 1912 годзе рэканструявана. Абнесена бутавай агароджай з брамай.
Архітэктура
правіцьПомнік народнага дойлідства. Мае падоўжна-восевую кампазіцыю, якая складаецца з прамавугольных у плане зрубаў: прытвора з 2-яруснай чацверыковай званіцай з макаўкай (прыбудавана пазней), асноўнага аб’ёму, 3-граннай апсіды з рызніцай. Асноўны аб’ём у цэнтры ўвянчаны цыбулепадобнай галоўкай на гранёным барабане, над апсідай макаўка. Асноўны прыём дэкаратыўнай апрацоўкі фасадаў — спалучэнне гарызантальнай і вертыкальнай шалёўкі. Мастацкая выразнасць дасягаецца падпарадкаваннем рознавялікіх аб’ёмаў, аб’яднаных у развітую ярусную кампазіцыю. Уваход у царкву вылучаны невялікім казырком на фігурных кранштэйнах.
Інтэр’ер
правіцьЗала асветлена высокімі лучковымі аконнымі праёмамі. Апсіда вылучана драўляным іканастасам. Унутры над уваходам — хоры. Абразы 17 — 18 ст.: «Успенне», «Маці Божая Адзігітрыя» ў сярэбраных з пазалотай абкладах, абраз-фератрон «Святая Варвара» і «Маці Божая Адзігітрыя».
Літаратура
правіць- Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4
Спасылкі
правіць
- Свята-Успенская царква (Паніквы) на сайце Праваслаўная архітэктура Беларусі (бел.)
- Свята-Успенская царква (Паніквы) на сайце Глобус Беларусі (руск.)
- Свята-Успенская царква (Паніквы) на сайце Radzima.org
- Свята-Успенская царква (Паніквы) на сайце «Архіварта»