Сланечнік аднагадовы

Сланечнік аднагадовы, сонечнік звычайны (Helianthus annuus) — гэта буйная аднагадовая травяністая расліна роду Сланечнік, якая вырошчваецца ў якасці гаспадарчай культуры дзеля яе алейнага насення. Акрамя вытворчасці алею, ён таксама выкарыстоўваецца ў якасці корму для жывёлы (як мука або сілас), як корм для птушак, у некаторых прамысловых мэтах і як дэкаратыўная расліна ў хатніх садах. Дзікі Сланечнік аднагадовы — шырокая галінастая аднагадовая расліна з мноствам кветкавых галовак. Хатні сланечнік, аднак, часта мае толькі адно вялікае суквецце (кветкавую галоўку) на верхавіне неразгалінаванага сцябла.

Сланечнік аднагадовы
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Астракветныя Сямейства:  Астравыя Падсямейства:  Астравыя Трыба:  Heliantheae Род:  Сланечнік Від:  Сланечнік аднагадовы
Міжнародная навуковая назва
Helianthus annuus L., 1753
Ахоўны статус
Выклікаюць найменшыя асцярогі IUCN 3.1 Least Concern : / 19073408
Сістэматыка на Віківідах Выявы на Вікісховішчы ITIS   36616 NCBI   4232 EOL   468106

Бінамінальная назва Helianthus annuus паходзіць ад грэцкага Helios «сонца» і anthos «кветка», у той час як эпітэт annuus на лацінскай мове азначае «аднагадовы».

Упершыню расліна была акультурана ў Амерыцы. Насенні сланечніка былі завезены ў Еўропу з Амерыкі ў XVI стагоддзі, дзе разам з сланечнікавым алеем яны сталі шырока распаўсюджаным інгрэдыентам кулінарыі. З часам асноўная частка прамысловай вытворчасці перамясцілася на поўдзень Усходняй Еўропы, і (станам на 2020 год) Расія і Украіна разам вырабляюць больш за палову сусветнай вытворчасці насення.