Сланечнік

Сланечнік, сонечнік (Helianthus) — род кветкавых раслін сямейства Астравыя (Asteraceae). Адзін з шматлікіх у гэтым сямействе. Налічваецца каля 70 відаў, род паходзіць з Паўночнай Амерыкі.

Сланечнік
Сланечнік аднагадовы (Helianthus annuus)
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Астракветныя Сямейства:  Астравыя Падсямейства:  Астравыя Трыба:  Heliantheae Род:  Сланечнік
Міжнародная навуковая назва
Helianthus L., 1753
Тыпавы від
Helianthus annuus L., 1753 — Сланечнік аднагадовы
Віды
Helianthus annuus L. — Сланечнік аднагадовы Helianthus tuberosus L. — Тапінамбур Helianthus lenticularus Helianthus argophyllus і інш.
Сістэматыка на Віківідах Выявы на Вікісховішчы ITIS   36611 NCBI   4231 EOL   44915 GRIN   g:5474 IPNI   9250

Батанічнае апісанне

Аднагадовыя і шматгадовыя травяністыя расліны. Звычайна, у залежнасці ад віду, вырастае вышынёю ў 50—390 см і нават болей. Мае грубае і валасістае сцябло, якое ў канцы мае разгалінаванне (сустракаецца звычайна ў дзікіх відаў). Лісце расце сіметрычна, калючае, яйцападобнай, або ў выглядзе сэрца, формы. На канцы сцябла знаходзіцца адзіночнае суквецце — кошык, якое ўвесь час накіравана да сонца, такім чынам сланечнік кіруе за сонцам з усходу на захад. Плод — сямянка.

Значэнне і выкарыстанне

Ужываецца ў харчовай прамысловасці (з яго насення робяць напрыклад сланечнікавы алей), а таксама хімічнай. У Амерыцы і Еўропе сланечнік вельмі часта выкарыстоўваецца як дэкаратыўная расліна.

Літаратура

• Скуратовіч А. М. Сланечнік // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 506. — 10 000 экз. — ISBN 985-11-0035-8. — ISBN 985-11-0238-5 (т. 14).

Спасылкі

• Подсолнечник: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)