Сурынамскі мукаед

Сурына́мскі мукае́д (Oryzaephilus surinamensis) — жук сямейства Silvanidae.

Сурынамскі мукаед
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Надатрад:  Насякомыя з поўным метамарфозам Атрад:  Жукі Падатрад:  Разнаедныя Інфраатрад:  Cucujiformia Надсямейства:  Cucujoidea Сямейства:  Silvanidae Род:  Oryzaephilus Від:  Сурынамскі мукаед
Міжнародная навуковая назва
Oryzaephilus surinamensi
Сістэматыка на Віківідах Выявы на Вікісховішчы ITIS   114313 NCBI   41112 EOL   1175066

Апісанне

Цела даўжынёй 3—3,5 мм, ад жоўта- да цёмна-бурага колеру. Па баках пярэднегрудзей па 6 зубцоў. Надкрылы з барозначкамі, крылы развітыя.

Лічынка даўжынёй да 4 мм, жаўтавата-белая, укрытая рэдкімі валаскамі.

Пашырэнне

Трапляецца паўсюдна. Корміцца крупамі, мукой, вотруб'ем, сухой садавіной, зернем і іншымі прадуктамі расліннага паходжання.

Асаблівасці біялогіі

Самка адкладвае ў сярэднім да 300 яец, праз некалькі сутак паяўляюцца рухомыя лічынкі. Працягласць развіцця ад яйца да імага ад 22 да 240 сутак, залежыць ад тэмпературы. Аптымальная тэмпература развіцця 25—27 °C, пры тэмпературы ніжэй за 16 °C развіццё спыняецца. У цёплых памяшканнях за год можа быць да 7 пакаленняў.

Значэнне для чалавека

Шкоднік харчовых запасаў. Знішчаюць хімічным метадам, праграваннем да тэмпературы 60—70 °C.

Літаратура

• Александровіч А. Сурынамскі мукаед // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз.