Сухлянка двухгадовая

Сухля́нка двухгадовая (Coltricia perennis) — від губавых базідыяльных грыбоў сямейства гіменахетавых.

Сухлянка двухгадовая
Сухлянка двухгадовая, Беларусь
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Базідыяльныя грыбы Пададдзел:  Agaricomycotina Клас:  Агарыкаміцэты Парадак:  Hymenochaetales Сямейства:  Гіменахетавыя Род:  Сухлянка Від:  Сухлянка двухгадовая
Міжнародная навуковая назва
Coltricia perennis (L.) Murrill, 1901
Сістэматыка на Віківідах Выявы на Вікісховішчы NCBI   40426 EOL   1004934 MB   356793

Апісанне

Пладовыя целы маюць шапку і добра развітую ножку. Шапкі акруглыя, крыху лейкападобныя, часам зрастаюцца паміж сабой, тонкія, мяккаскурыстыя або скурыстыя. Паверхня шапкі аксаміцістая, з шэрымі, бурымі і жоўта-карычневымі зонамі або амаль аднатонная буравата-карычневая. Споры часта таўстасценныя, з гладкай абалонкай, эліпсоідныя.

Пашырэнне

Касмапаліт. На Беларусі расце па ўсёй тэрыторыі ў хвойных і мяшаных лясах на пясчанай глебе, трапляецца часта.

Неядомы грыб.

Літаратура

• А. І. Галаўко. Сухлянка // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз.